ورلڈ کپ مقابلوں میں پاکستان آسٹریلیا سے آخری بار کب جیتا؟

بھارت میں ہونے والے کرکٹ ورلڈ کپ میں پاکستان اور آسٹریلیا کی ٹیمیں کل مد مقابل آئیں گی ۔ دونوں ٹیموں کا اہم میچ بنگلورو کے چنا سوامی کرکٹ سٹیڈیم میں ہوگا۔
آئی سی سی کے میگاایونٹس میں پاکستان اور آسٹریلیا کی ٹیمیں 1975 کے بعد10 مرتبہ آمنے سامنے آئی ہیں ، ورلڈ کپ مقابلوں میں آسٹریلیا کا پلڑا بھاری ہے جس نے دس میں 6 میچز میں پاکستان کو شکست دی جبکہ پاکستان صرف 4 مرتبہ آسٹریلیا کو شکست دے سکا۔
پاکستان 1999 کے ورلڈ کپ فائنل میں آسٹریلیا کے ہاتھوں ہی یکطرفہ مقابلے کے بعد شکست کھا گیا تھا۔
پاکستانی ٹیم نے 2011 کے ورلڈ کپ میں شاہد آفریدی کی کپتانی میں آسٹریلیا کو آخری بار شکست دی تھی۔
2015 اور 2019 کے عالمی مقابلوں میں گرین شرٹس کو کینگروز کے ہاتھوں شکست کا سامنا کرنا پڑا تھا۔