راولپنڈی (این این آئی) سابق وزیر داخلہ شیخ رشید کے ساتھ گرفتار ہونے والا ان کا بھتیجا شیخ شاکر گھر پہنچ گیا۔ شیخ راشد شفیق نے شیخ شاکر کے گھر واپس پہنچنے کی تصدیق کردی، شیخ رشید کے ملازم اور ڈرائیور کو پہلے ہی رہا کر دیا گیا تھا۔

اسلام آباد(این این آئی) پاکستان مسلم لیگ (ن ) میں شامل ہونے والے سابق ڈی جی ایف آئی اے بشیر میمن نے کہا ہے کہ انہوں نے پیپلزپارٹی کے خلاف کوئی ایک جھوٹا مقدمہ نہیں بنایا۔
ایک بیان میں بشیر میمن نے کہا کہ اس وقت ملکی معیشت کو بہتر کرنے کی ضرورت ہے، نواز شریف کا بیانیہ ہے کہ انہوں نے اپنے ذاتی معاملات اللہ پر چھوڑ دیے ہیں، میرے قائد نے کہا ہے کہ انتقام نہیں ملک کی معیشت کو بہترکرنا ہے۔
بشیر میمن نے کہا کہ ن لیگ کے دو ڈھائی کروڑ ووٹرز ہیں کیا سب کو نوازا گیا ہے؟کیا مجھے نوکری ن لیگ نے دی؟انہوں نے کہاکہ میں بطور کارکن ن لیگ میں شامل ہوا ہوں، میں سچے لوگوں کے ساتھ کھڑا ہوا ہوں، نواز شریف ملک کے لیے ضروری ہیں۔

 اسلام آباد: جسٹس عرفان سعادت کل منگل کو سندھ ہائی کورٹ کے قائم مقام چیف جسٹس کا حلف اٹھائیں گے۔

 سندھ ہائی کورٹ کی جانب سے جاری کیے گئے اعلامیے کے مطابق جسٹس عقیل احمد عباسی قائم مقام چیف جسٹس عرفان سعادت سے حلف لیں گے۔واضح رہے کہ موجودہ سندھ ہائی کورٹ کے چیف جسٹس احمد علی ایم شیخ عہدے سے ریٹائر ہو گئے ،سندھ ہائی کورٹ کے سینئر ترین جج جسٹس عرفان سعادت خان کو قائم مقام چیف جسٹس سندھ ہائی کورٹ مقرر کیا گیا تھا۔قائم مقام چیف جسٹس کے عہدے کی معیاد حلف اٹھانے سے شروع ہو گی۔جسٹس عرفان سعادت خان جوڈیشل کمیشن کی جانب سے مستقل چیف جسٹس سندھ ہائی کورٹ کی تقرری تک عہدے پر فرائض انجام دیں گے۔

اسلام آباد(این این آئی) سعودی عرب کی سول ایوی ایشن نے پروازوں میں تاخیر پر پی آئی اے سمیت دیگر 26 ائیرلائنز کو وارننگ لیٹر جاری کر دیئے ہیں جن میں کہا گیا ہے کہ ائیرلائنز نے اگر اپنی پرفارمنس ٹھیک نہ کی تو ان کے سلاٹس کم کردیئے جائیں گے۔
سعودی ایوی ایشن نے پی آئی اے کو وارننگ دیتے ہوئے کہا ہے کہ وہ اپنی پروازوں کی وقت پرآمد اورروانگی یقینی بنائے بصورت دیگر اسے جرمانہ بھی کیا جا سکتا ہے۔
پی آئی اے کا سعودی عرب کیلئے فلائٹ آپریشن بری طرح متاثر ہے، طیارے خراب ہونے کی وجہ سے پروازیں کئی کئی گھنٹے تاخیر کا شکار ہیں۔

حکومت کی منظوری کے بعد نیپرا نے بجلی کی قیمتوں میں مذید اضافہ کر دیا ہے۔
نیپرا نے سہ ماہی ایڈجسٹمنٹ کی مد میں فی یونٹ بجلی 3 روپے 28 پیسے مہنگی کرنے کی منظوری دی تھی۔جس کے بعد نیپرا نے فوری بجلی مہنگی کرنے کا نوٹیفکیشن جاری کردیا۔ نوٹیفکیشن کے مطابق بجلی صارفین کو 6 ماہ میں اضافی ادائیگیاں کرنا ہوں گی، بجلی صارفین اکتوبر 2023 تا مارچ 2024 تک ادائیگیاں کریں گے۔
سہ ماہی ایڈجسٹمنٹ میں اضافے کا اطلاق کے الیکڑک صارفین پر بھی ہو گا۔

بجلی چوروں کے خلاف مہم کے دوران لیسکو نے مسلم لیگ ن کی سابق رکن صوبائی اسمبلی رخسانہ کوثر بھی بجلی چوری کرتے ہوئے رنگے ہاتھوں پکڑ لیا۔ پولیس نے ملزمہ کیخلاف مقدمہ درج کر لیا۔
ترجمان لیسکو کے مطابق کی ڈائریکٹ سپلائی سے کنڈا لگا کر بجلی چوری کر رہی تھیں۔عملے نے ڈیوس روڈ پر کارروائی کرتے ہوئے رخسانہ کوثر کی چوری پکڑ لی۔
تاہم یہ امر قاب ذکر ہے کہ جب پولیس نے ملزمہ کو گرفتار کرنے کی کوشش کی تورخسانہ کوثر چکمہ دے کرموقع سے فرار ہوگئیں۔لیسکو نے ملزمہ پر 5 لاکھ 75 ہزار روپے جرمانہ بھی عائد کیا ہے جس میں سے ڈیڑھ لاکھ روپے کی وصولی کرلی گئی ہے۔