لاہور( این این آئی) نامور اداکار عدنان شاہ ٹیپو نے کہا ہے کہ موجودہ دور کی سب سے بہترین ہیروئن سجل علی کو مانتا ہوں جبکہ عمران اشرف کا شمار خطرناک اداکاروں میں ہوتا ہے۔

اپنے ایک انٹرویو میں انہوں نے کہا کہ میں نے لالی ووڈ، ہالی ووڈ اور بالی ووڈ میں کام کیا ہے اور میں خوش قسمت ہوں جس نے تینوں جگہ اپنے فن کی صلاحیتوں کو منوایا ہے۔

انہوں نے کہا کہ بالی ووڈ میں جو پروفیشنل ازم ہیں اس کا کوئی جواب نہیں، وہ لوگ اپنے کام میں انتہائی سنجیدہ ہیں، وہاں ہر کام سلیقے سے ہوتا ہے۔

انہوں نے کہا کہ میری زندگی میں میری اہلیہ اور بیٹیوں کا بڑا اہم کردار رہا ہے جن کی وجہ سے میں نے زندگی کے ہر میدان میں کامیابیاں سمیٹی ہیں، میں ان کے کردار کو کبھی فراموش نہیں کر سکتا۔

لاہور( این این آئی) سینیئر کامیڈین اداکار آغا ماجد نے کہا ہے کہ امان اللہ خان جیسا کامیڈین دوبارہ پیدا نہیں ہوسکتا، میں نے عابد خان مرحوم کے فن سے متاثر ہو کر کام شروع کیا تھا اور اور انہی کی طرز پر کام کرتا ہوں۔

ایک انٹرویو میں آغا ماجد نے کہا کہ قدرتی طور پر میری ان سے مشابہت بھی ہے۔ کامیابی کبھی بھی پلیٹ میں رکھ کر نہیں ملتی بلکہ اس کے لیے بڑی جدوجہد کرنا پڑتی ہے، جتنے بھی کامیاب لوگ ہیں ان سے پوچھ لیں وہ اپنی کامیابی کا راز مسلسل محنت ہی بتائیں گے۔

انہوں نے کہا کہ جو شخص تسلسل کے ساتھ محنت کا راستہ نہیں چھوڑتا کامیابی بالآخر اس کے قدم چومتی ہے ۔

پاکستان کے معروف اداکار محب مرزا نے صنم سعید سے ہونے والی محبت کے راز سے پردہ اٹھا دیا ہے۔

محب مرزا نے اداکارہ آمنہ شیخ سے طلاق کے بعد ساتھی اداکارہ صنم سعید سے خفیہ طور پر دوسری شادی کی تھی، جس کی باضابطہ تصدیق رواں سال کی گئی۔

محب مرزا نے ایک ٹی وی شو میں گفتگو کرتے ہوئے کہا کہ ڈرامہ سیریل ’دین‘ کے شوٹنگ کے دوران وہ صنم سعید کی محبت میں گرفتار ہو گئے۔

محب مرزا نے سوال کے جواب میں گفتگو کو آگے بڑھاتے ہوئے کہاکہ بس! ایک اونچے قد والی لڑکی میرے سامنے تھی اور مجھے اس سے محبت ہو گئی۔

یاد رہے کہ محب مرزا اور صنم سعید نے رواں سال مارچ میں اپنی شادی کی تصدیق فہد مصطفیٰ کے شو میں کی تھی۔

بالی ووڈ کی دسمبر 2023 میں نئی آنے والی فلم ’اینیمل‘ سے متعلق دلچسپ انکشاف سامنے آیا ہے کہ مووی میں مرکزی کردار نبھانے والے رنبیر کپور نے انیل کپور سے 35 گنا زیادہ معاوضہ وصول کیا ہے۔

یکم اگست 2023 کو ریلیز ہونے والی فلم ’اینیمل‘ میں رنبیر کپور ایکشن میں نظر آئیں گے۔ وہ اس فلم میں سب سے زیادہ معاوضہ لینے والے اداکار بن گئے ہیں۔

بتایا جارہا ہے کہ رنبیر کپور فلم میں گینگسٹر کے روپ میں نظر آئیں گے۔ اس وقت ان کے غصے والے انداز نے سوشل میڈیا پر دھوم مچائی ہوئی ہے۔

فلم اینیمل میں بوبی دیول، انیل کپور، رشمیکا مندانا اور ترپتی ڈمری جیسے تجربہ کار اداکاروں نے بھی حصہ لیا ہے۔

بھارتی میڈیا رپورٹس کے مطابق رنبیر کپور نے فلم میں کردار نبھانے کے لیے 70 کروڑ بھارتی روپے معاوضہ وصول کیا ہے جو سب سے زیادہ ہے۔