پشاور(این ا ین آئی)گورنرخیبرپختونخواکے پوتوں اور دوستوں کی سرکاری ہیلی کاپٹر میں سیر کی ویڈیو وائرل ہوگئی۔
ویڈیو کے بارے میں دعویٰ کیا گیا ہے کہ یہ دورہ گورنرحاجی غلام علی کے دورہ سوات کی ہے۔ ویڈیو میں گورنر کے ساتھ ان کے دو پوتے، جے یوآئی کے کارکن اور ایک تاجر رہنما کو بھی دیکھا جا سکتا ہے۔
اس حوالے سے حاجی غلام علی کاردعمل بھی سامنے آیاہے اور وہ کہتے ہیں کہ سرکاری دورے پر جارہاتھا، اگرساتھ بچوں کوساتھ بٹھایا ہے توکیا یہ غلط ہے،سوات سے میں ویسے بھی آرہاتھا اس دوران اگر کسی دوست کوساتھ بٹھایا تو کون سا جرم کردیا۔ ایس اوپیز کے مطابق گورنر کے ساتھ 10 گاڑیاں جاتی ہیں میں تو ایک گاڑی بھی ساتھ نہیں لایا ۔ جتنی بچت میں کررہاہوں اتنی پہلے کسی نے نہیں کی ہوگی۔

بہاولپور (این این آئی) قلعہ دیراوڑ میں ڈکیتی کے دوران فائرنگ سے میاں بیوی بچے سمیت جاں بحق اور ایک بچی زخمی ہوگئی۔
پولیس کے مطابق بہاولپور کے علاقے قلعہ دیراوڑ میں ڈکیتی کے دوران مزاحمت پر ڈاکوؤں کی فائرنگ سے 3 افراد جاں بحق ہو گئے۔ متقولین کے لواحقین کے بیان کے مطابق ڈاکو گھر میں داخل ہوئے تو گھر کے سربراہ نے مزاحمت کی جس پر ڈاکوؤں نے فائرنگ شروع کردی، جس کے نیتجے میں گھر میں موجود میاں بیوی اور ان کا ایک بچہ موقع پر ہی دم توڑ گیا، جبکہ ایک 7 سالہ بچی کی ٹانگ میں گولی لگی جسے شدید زخمی حالت میں ہسپتال منتقل کردیا گیا ہے۔
دوسری جانب پولیس حکام کا کہنا ہے ابھی واضح نہیں ہوا گھر میں ڈکیتی ہوئی ہے، نامعلوم افراد کی جانب سے فائرنگ کا واقعہ پرانی دشمنی کا شاخسانہ بھی لگتا ہے۔

کراچی(این این آئی) سندھ پولیس کے افسر نے اسرائیل کے خلاف جہاد پر جانے کی اجازت کے لئے درخواست دے دی ۔
ایس ایس پی انویسٹی گیشن ٹو سٹی سائوتھ زون میں تعینات انسپکٹر فیاض احمد جانوری نے آئی جی سندھ رفعت مختار راجہ کو ایک خط ارسال کیا ہے جس میں انسپکٹر فیاض احمدنے حماس کی جانب سے اسرائیل کے خلاف اعلان کردہ جہاد میں حصہ لینے اور جسمانی طور پر اپنا حصہ جہاد میں ڈالنے کیلئے آئی جی سندھ نے باضابطہ اجازت مانگ لی۔
انسپکٹر فیاض احمد جانوری نے اپنی تنخواہ کا 10 فیصد حصہ بھی الخدمت فاؤنڈیشن کو خاص طورپرفلسطین ریلیف آپریشن کے لیے پیش کش کردی۔خط میں انسپکٹر نے لکھا کہ فلسطین کی آزادی تک جہاد میں شریک رہنے کی اجازت دی جائے

اسلام آباد(مانیٹرنگ ڈیسک)وفاقی دارالحکومت اسلام آباد کی ایک فیکٹری میں ایک خاتون ورکر کا گینگ ریپ کردیا گیا جب کہ ایک اور واقعے میں مسلح افراد آن لائن ڈیلیوری سروس کی خاتون رائڈر کو لوٹ کر فرار ہوگئے۔
انگریزی اخبار کے مطابق شمس کالونی تھانے کی حدود میں واقع ایک فیکٹری میں 2 سالہ بچے کی ماں کا اس کے ساتھیوں نے گینگ ریپ کیا۔
ایک سال قبل شوہر سے علیحدگی اختیار کرنے والی خاتون کو تقریباً ایک ہفتے قبل ہی اس فیکٹری میں ملازمت پر رکھا گیا تھا، اس کے ساتھ فیکٹری میں کام کرنے والا ایک شخص خاتون کو ایک کمرے میں لے گیا جہاں اس نے اپنے دیگر دو ساتھیوں کے ساتھ مل کر ان کے ساتھ جنسی زیادتی کی۔
ملزمان نے متاثرہ خاتون کی ویڈیو بھی بنائی اور انہیں دھمکی دی کہ وہ اس واقعے کی کسی سے شکایت نہ کریں۔
ادھر اسلام آباد کے سیکٹر آئی ٹین فور میں مسلح افراد نے I-10 /4 علاقے میں آن لائن ڈیلیوری سروس کے لیے کام کرنے والی خاتون رائڈر کو لوٹ لیا۔
خاتون رائیڈر پارسل پہنچانے کے لئے پہنچی تو ایک موٹر سائیکل پر سوار تین افراد نے پستول نکال کر ان سے 31 ہزار 340 روپے اور موبائل چھین لیا اور فرار ہو گئے۔

پاکستان نے بھارتی پائلٹ کوکراچی میں لینڈنگ کی اجازت دے دی۔

سول ایوی ایشن ذرائع کے مطابق دوران پرواز مسافر کو مرگی کے دورے پڑنا شروع ہوئے جس پر بھارتی طیارے کے پائلٹ نے پاکستانی ائیرٹریفک کنٹرولر سے رابطہ کیا اور پھر کراچی ائیرپورٹ پر ہنگامی لینڈنگ کی۔

بھارتی طیارے کی کراچی ائیرپورٹ پر لینڈنگ سے متعلق

سول ایوی ایشن اتھارٹی کے ترجمان نے تصدیق کی ہے بھارتی طیارے نے ہفتہ کو 12 بجکر 28 منٹ پر کراچی میں ہنگامی لینڈنگ کی ۔

ترجمان سی اے اے کے مطابق طیارے کی لینڈنگ کے بعد بارڈر ہیلتھ سروسز اور سی اے اے کے ڈاکٹرز فوری طور پر پہنچ گئے تھے اور مسافرکو فوری طور پر طبی امداد فراہم کی۔

ترجمان سی اے اے کے مطابق طیارہ 2 گھنٹے سے زائد کراچی ائیرپورٹ پر رکا رہا،مسافروں کو جہاز سے اترنے کی اجازت نہیں تھی،بروقت طبی امداد ملنے پر مسافر کی طبیعت بہتر ہونے پر پرواز کو روانہ کیا گیا۔

مسلم لیگ ن کو مینار پاکستان گرائونڈ یعنی گریٹر اقبال پارک میں 21 اکتوبرکو جلسےکی اجازت مل گئی ۔
لاہور کی ضلعی انتظامیہ نے مسلم لیگ ن کو حلف نامے کے بعد جلسےکی اجازت دی ہے۔
جلسے کے لئے ضلعی انتظامیہ کے اجازت نامہ کی شرائط میں کہا گیا ہے کہ پارکس اینڈ ہارٹیکلچر اتھارٹی سے الگ سے اجازت لینا ہوگی۔
مسلم لیگ ن سے لیے گئے حلف نامے میں کہا گیا ہے کہ کسی بھی قسم کا نقصان پہنچنے پرپارکس اینڈ ہارٹیکلچر اتھارٹی رقم وصول کرے گی۔
ضلعی انتظامیہ کا کہنا ہے کہ جلسہ آرگنائزر سکیورٹی اور ٹریفک سے متعلق متعلقہ حکام سے مسلسل رابطے میں رہیں گے، ٹریفک پولیس ٹریفک پلان اور ٹریفک ایڈوائزری جاری کرے گی۔