افغان صوبے بغلان کی ایک مسجد میں نماز جمعہ کے دوران حملہ آور نے خود کو دھماکے سے اُڑا لیا جس کے نتیجے میں 7 افراد جاں بحق اور 17 زخمی ہوگئے۔
عالمی خبر رساں ادارے کے مطابق افغانستان کے صوبے بلغ کے شہر امام زمان مسجد میں نماز جمعہ کے وقت دزور دار دھماکا ہوا۔ دھماکے سے مسجد کا ایک حصہ منہدم ہوگیا۔10 سے زیادہ افراد ملبے تلے دب گئے جب کہ بھگدڑ کی وجہ سے کئی افراد پیروں تلے روندے گئے جس سے زخمیوں کی تعداد بڑھ کر 17 تک جا پہنچی جب کہ 7 لاشیں بھی سپتال منتقل کی گئیں۔
طالبان حکام کا کہنا ہے کہ خود کش حملے میں جاں بحق افراد کی تعداد میں اضافہ ہوسکتا ہے۔
طالبان نے تصدیق کی کہ یہ ایک خود کش حملہ تھا۔ خود کش کی لاش کے ٹکڑوں کو سپتال منتقل کردیا گیا جہاں فرانزک کے بعد حملہ آور کی شناخت کی جا سکے گی۔
تاحال کسی شدت پسند تنظیم نے خود کش حملے کی ذمہ داری قبول نہیں کی لیکن طالبان کے اقتدار سنبھالنے کے بعد سے اس قسم کی کارروائیوں میں داعش خراسان ملوث رہی ہے۔

مقبوضہ فلسطینی علاقے غزہ کی پٹی سے اسرائیلی بربریت کی ویڈیوز اور تصاویر سامنے آنے لگی ہیں جس میں دکھایا گیا ہے کہ اسرائیلی فضائیہ کس طرح بین الااقوامی قوانین کی دھجیاں اڑاتے ہوئے غزہ کی شہری آبادی کو نشانہ بنا رہی ہیں۔بی بی سی کے صحافی عدنان البرش نے بتایا ہے کہ اس وقت غزہ کے سپتال لاشوں سے بھرچکے ہیں اور یہاں مزید لاشیں رکھنے کی جگہ نہیں رہی، یہ سب دیکھ کر میں بالکل بے بس ہوں۔
برطانوی نشریاتی ادارے (BBC) کے رپورٹر عدنان البرش نے اپنی رپورٹ میں غزہ کی موجودہ دل دہلا دینے والی صورتحال کے حوالے سے رپورٹ جاری کی ہے، جس میں اس نے اپنی بے بسی کا اظہار کیا ہے۔
رپورٹر نے اسپتال کے اندر جاکر بتایا کہ میں بی بی سی کا رپورٹر اور غزہ کا رہائشی ہوں، آج میرے کیریئر کا مشکل ترین دن ہے کیوں کہ جس اسپتال میں موجود ہوں یہ ہمارا مقامی اسپتال ہے، اور اس میں میرے دوست، پروسی اورکمیونیٹی کے لوگ موجود ہیں۔
رپورٹر نے کہا کہ اس وقت بھی یہاں دھماکوں کی آوازیں آرہی ہیں، اوراسپتال میں اس وقت قیامت کے مناظر ہیں، اس وقت اسپتال لاشوں سے بھرچکے ہیں، اور لاشیں رکھنے کی جگہ نہیں ہے، لاشوں کو زمین پر رکھنا پڑ رہا ہے۔
عدنان البرش نے بتایا کہ دوران کوریج میرے کیمرہ مین محمود نے اپنے دوست کو دیکھا، اس کا دوست زندگی اور موت کی کشمکش میں ہے، مگر اس کے اہلخانہ نہ بچ سکے۔
رپورٹر کا کہنا تھا کہ ایک ننھی بچی کا گھر تباہ ہوگیا اور اس کے تمام اہلخانہ بھی مارے گئے، اس کو مدد کی ضرورت ہے، میری بیٹی بھی اسی عمر کی ہے، میں اس کی مدد کرنا چاہتا ہوں، لیکن بالکل بے بس ہوں، ہم سمجھنے کی کوشش کر رہے ہیں کہ کیا ہورہا ہے۔
عدنان البرش نے بتایا کہ یہ خاتون اپنے شہید پیاروں کے پاس بیٹھی ہے، اور بتارہی ہے کہ جس وقت بمباری ہوئی ہم اپنے گھر میں سورہے تھے، حملہ آوروں کو روکنے والا کوئی نہیں تھا، وہ رہائشی عمارت تھی، جس میں 120 سے زائد افراد مقیم تھے۔
رپورٹر نے اپنے آخری جملوں میں کہا کہ جو کچھ میں نے دیکھا وہ بیان نہیں کرسکا، میں بالکل بے بس ہوں، کچھ چاہ کر بھی لوگوں کی مدد نہیں کرسکتا، اسپتال میں موجود زخمی سخت تکلیف میں ہیں۔

غزہ پر اسرائیل کی وحشیانہ بمباری ساتویں روزبھی جاری ہے اب تک شہید فلسطینیوں کی تعداد 1800 ہوگئی ہے جب کہ 6 ہزارسے زیادہ زخمی ہیں۔
فلسطینی وزارت صحت کے مطابق اسرائیل کی بمباری میں شہید 1800 فلسطینیوں میں سے 583 معصوم بچے ہیں ۔
وزارت صحت کے مطابق اسرائیلی بمباری میں زخمیوں کی تعداد 6 ہزار 388 سے تجاوز کرگئی ہے۔اقوام متحدہ کے مطابق غزہ میں بے گھر افراد کی تعداد 4 لاکھ 23 ہزارسے زیادہ ہوگئی ہے۔
اقوام متحدہ کے دفتربرائے رابطہ انسانی امورنے فلسطینیوں کی انسانی امداد کے لیے اپیل کی ہے، فلسطینیوں کی فوری ضروریات کے لیے 29 کروڑ 40 لاکھ ڈالر کی ضرورت ہے۔