پیٹرولیم مصنوعات کی قیمتوں میں نمایاں کمی کے بعد اسلام آباد کی ضلعی انتظامیہ نے ٹرانسپورٹ کے کرایوں میں کمی کا نوٹیفکیشن جاری کر دیا ہے، جس کا اطلاق فوری طور پر ہو گا۔
تفصیلات کے مطابق سیکرٹری اسلام آباد ٹرانسپورٹ اتھارٹی کی زیرصدارت تمام بس اڈوں کے کرایوں کے حوالے سے جائزہ اجلاس ہوا جس میں ٹرانسپورٹ اتھارٹی اسلام آباد کی جانب سے کرایوں میں 10 فی صد کمی کر دی گئی۔
اسلام آباد میں 23 مختلف روٹس پر کرایہ کم وصول کیا جائے گا۔ اس حوالے سے ڈی سی اسلام آباد نے کہا ہے کہ انٹرا سٹی ٹرانسپورٹ کے کرایوں میں کمی کا نوٹیفکیشن بھی جاری کریں گے۔
