شیر تب آیا جب شکاری پکڑا گیا: سینیٹر ڈاکٹر ہمایوں مہمند کا رد عمل

پاکستان تحریک انصاف کےسینئررہنما وسینیٹرڈاکٹرہمایوں مہمندنےنواز شریف کی وطن واپسی پراپنےردعمل کا اظہارکردیا۔
ایک تیلی ویژن پروگرام میں گفتگو کرتے ہوئے ہمایوں مہمند نے کہا کہ چارسال پہلے نواز شریف جھوٹ بول کر گئے تھے کہ میں سخت بیمار ہوں،اگر بیرون ملک علاج کیلئےنہ گیاتومرجائوں گا۔انہوں نےکہاکہ ہم نے یہ دیکھا کہ وہ وہاں جاکر وہ ہر قسم کے کھانے کھا رہے ہیں، اس وقت تومریم نواز یہ کہتی تھیں کہ نواز شریف کو ہروقت اٹیک ہورہے ہیں۔
ان کا کہنا تھا کہ نواز شریف کے پاس موقع تھا وہ پاکستان آتے، یہاں رہتے،کیسز غلط یا صحیح تھےانکا میرٹ پرسامنا کرتے۔ وہ ڈیل نہ کرتے اور لوگوں کی غیرضروری مدد نہ لے کر پاکستان میں رہتے تو میں مانتا کہ ہاں یہ نڈرشخص ہے۔پی ٹی آئی رہنما کا مزید کہناتھاکہ یہ جونعرے لگا رہے تھے کہ شیر واپس آرہاہے، یہ بزدل شخص ایسے وقت میں واپس آیاجب شیرکےشکاری کوبندکردیاگیا
مزہ تو تب آتا جب شکاری ہوتا تو شیرآتا، تب میں بھی مانتا کہ واقعی ہی شیر میں کوئی دم ہے۔