چیئرمین پی ٹی آئی عمران خان کے لیے ورزش کی سائیکل اڈیالہ جیل پہنچا دی گئی جبکہ شاہ محمود قریشی کو بھی چارپائی مل گئی ہے۔
یاد رہے کہ کچھ روز قبل چیئرمین پی ٹی آئی کے وکیل نےعمران خان کو جیل میں ورزش کے لیے سائیکل مہیا کرنے کی استدعا کی تھی۔
وکیل شیراز رانجھا نے کہا تھا کہ چیئرمین پی ٹی آئی کو جیل میں ورزش کے لیے سائیکل مہیا کرنا چاہتے ہیں۔
جج نے کہا تھا کہ سائیکل کے حوالے سے تو میں پہلے ہی جیل حکام کو کہہ چکا ہوں، میں چاہتا ہوں کہ سائیکل کا غلط استعمال نہ ہو۔
