نگران وزیراعظم انوارالحق کاکڑ نے کہا ہے کہ مستونگ اور ہنگو میں تازہ حملوں نے دہشت گردی کے زخم تازہ کردیئے ہیں۔
جمعہ کے روز سماجی رابطے کی ویب سائٹ ایکس پرجاری اپنے بیان میں نگران وزیراعظم انوارالحق کاکڑ کاکہناتھا کہ مستونگ اور ہنگو میں آج کے دہشتگرد حملوں نے ملک کے دیگر علاقوں میں ہونے والے واقعات کے زخم تازہ کر دیئے ہیں۔ وزیراعظم نے اپنے بیان میں کہا کہ شہید ہونے والوں کی مغفرت اور زخمیوں کی جلد شفاء یابی کے لئے دعا گو ہوں۔

مستونگ اور ہنگو میں آج کے دہشتگرد حملوں نے ملک کے دیگر علاقوں میں ہونے والے واقعات کے زخم تازہ کر دئے ہیں۔ شہید ہونے والوں کی مغفرت اور زخمیوں کی جلد شفاء یابی کے لئے دعا گو ہوں۔ آخری دہشت گرد کے خاتمے تک دہشت گردی کے خلاف ہماری جنگ جاری رہے گی!

— Anwaar ul Haq Kakar (@anwaar_kakar) September 29, 2023

وزیراعظم نے اس عزم کااظہار کیا کہ آخری دہشت گرد کے خاتمے تک دہشت گردی کے خلاف ہماری جنگ جاری رہے گی!

پشاور: کورکمانڈر پشاورلیفٹیننٹ جنرل حسن اظہر حیات نے مساجد پر حملہ کرنے والوں کو دیکھتے ہی قتل کرنے کی ہدایت کردی۔
کورکمانڈرپشاورلیفٹیننٹ جنرل حسن اظہرحیات جمعہ کے روزہنگوکے علاقے دوآبہ میں مسجد پر خود کش حملے کے بعد پولیس اہلکاروں کی حوصلہ افزائی کے لئے ہنگوپہنچے تھے۔

کور کمانڈر پشاور لیفٹیننٹ جنرل حسن اظہر حیات کا دورہ ہنگو
پولیس جوانوں سے خطاب pic.twitter.com/tgAMbklnen

— Muhammad Faheem (@MeFaheem) September 29, 2023

سوشل میڈیا پرجاری ہونے والی ایک ویڈیومیں لیفٹیننٹ جنرل حسن اظہر حیات کوپولیس جوانوں سے گفتگوکےدوران یہ کہتے ہوئے سنا جاسکتاہے کہ ان (مساجدپرحملہ کرنے والے) لوگوں کے بارے میں ایک ہی حکم ہے کہ انہیں قتل کیاجائے۔
کورکمانڈرنے پولیس جوانوں کی تعریف کہ انہوں نے بروقت کارروائی کرکے ایک حملہ آورکوباہرہی ہلاک کردیا ورنہ زیادہ نقصان ہوسکتاتھا۔
لیفٹیننٹ جنرل حسن اظہرحیات نے ہسپتال جاکرزخمیوں کی عیادت بھی کی۔

اسلام آباد: ملک بھر میں سرکارِ دو عالم حضرت محمد ﷺ کی ولادت کا جشن مذہبی عقیدت و احترام کے ساتھ منایا گیا۔اس موقع پر ملک بھر میں چھوٹی بڑی عمارتوں کو خوبصورتی سے سجایا گیا تھا اور ہر جانب روشنی اور فضا میں درود و سلام کی صدائیں بلند رہیں ۔
جشن میلادِ مصطفیٰ ﷺ کے حوالے سے نعتوں کی محافل کا انعقاد بھی جاری رہا اور ملک کے چھوٹے بڑے شہروں میں جلوس بھی نکالے گئے ۔وفاقی دارالحکومت میں سرکاری، نجی عمارات اور گھروں کو خوبصورتی سے سجایا گیا جبکہ شہر بھر میں عیدِ میلادالنبی ﷺ کے مختلف جلوس نکالے گئے ۔

وفاقی تحقیقاتی ایجنسی (ایف آئی اے) کے سابق ڈائریکٹر جنرل (ڈی جی) بشیر میمن بھی سیاست میں آگئے اور  مسلم لیگ ن میں شمولیت اختیار کرلی۔
مریم نواز نے مسلم لیگ ن کے قائد اور سابق وزیراعظم نواز شریف کے استقبال کیلئے سندھ میں 12 رکنی کمیٹی تشکیل دی ہے اور بشیر میمن کو 12 رکنی کمیٹی کا کنوینر مقرر کیا گیا ہے۔
مسلم لیگ ن کی طرف سے جاری نوٹیفکیشن کے مطابق کمیٹی میں محمد زبیر، کھیل داس کوہستانی، نہال ہاشمی بھی شامل ہیں۔
کمیٹی 21 اکتوبر کو نواز شریف کے استقبال میں کارکنان کی شرکت یقینی بنائے گی۔
سابق ڈی جی ایف آئی اے بشیر میمن نے کچھ عرصہ قبل ایک ٹی وی پروگرام میں اس بات کاانکشاف کیاتھا کہ انہیں تحریک انصاف کے دورحکومت میں مسلم لیگ ن کے بعض رہنمائوں کے خلاف مقدمات قائم کرنے کے لئے مجبور کیاگیا تھا۔

اسلام آباد پولیس نے مدارس اورمساجدمیں رہائش پذیرتمام افراد کی معلومات انسداد انتہاپسندی یونٹ کوفراہم کرنے کی ہدایات جاری کردیں۔
پولیس کی جانب سے اسلام آباد کی تمام مساجد اور مدارس کی انتظامیہ کو خطوط جاری کئے گئے ہیں ۔
خطوط میں مدارس اورمساجدکی انتظامیہ سے درخواست کی گئی ہے کہ کسی اجنبی کورہائش کی اجازت نہ دی جائے، پولیس نے خبردار کیا ہے کہ شرپسند عناصر شب بسری کے بہانے دہشتگردی کے واقعات سرانجام دیتے ہیں۔
مساجداورمدارس انتظامیہ سے کہاگیاہے کہ وہ اپنے ہاں رہائش پذیر تمام افرادکومعلومات فراہم کریں اور کسی بھی غیر معمولی سرگرمی کی اطلاع پکار 15 پردی جائے۔

اسلام آباد : نگران وزیر اعظم انوار الحق کاکڑ دورہ سعودیہ عرب مکمل کرکے پاکستان پہنچ گئے ۔
جمعہ کو وزیراعظم آفس کے میڈیا ونگ سے جاری کردہ بیان کے مطابق دورہ سعودی عرب مکمل کرنے کے بعدمکہ کے نائب گورنر شہزادہ بدر بن سلطان نے نگران وزیرِ اعظم انوارالحق کاکڑ کو الوداع کیا

Caretaker Prime Minister Anwar-ul-Haq Kakar performed Umrah.

After reaching Makkah al-Mukarramah on Thursday night, the Caretaker Prime Minister Anwar-ul-Haq Kakar performed Umrah.

He prayed for the prosperity and progress of Pakistan and harmony among the Muslim Ummah.

As a… pic.twitter.com/4WIv0PDzS9

— Prime Minister’s Office (@PakPMO) September 29, 2023

سعودی عرب کے نجی دورے کےد وران انوارالحق کاکڑ نے روضہ رسول ؐ پرحاضری اورمسجد نبوی میں نوافل ادا کئے ۔ وزیراعظم نے عمرہ کی سعادت بھی حاصل کی۔

اسلام آباد: پاکستان مسلم لیگ ن کے سینئر رہنمااور سابق وفاقی وزیر داخلہ راناثنا اللہ نے سابق وزیراعظم شاہد خاقان عباسی کے پارٹی قیادت سے اختلافات کی تصدیق کردی ۔
ایک ٹی وی پروگرام میں گفتگوکرتے ہوئے راناثنا اللہ کا کہنا تھا کہ شاہدخاقان عباسی کا مسلم لیگ ن کے ساتھ تین دہائیوں سے بھی پرانا تعلق ہے، وہ مسلم لیگ ن کی قیادت کے بھی بہت قریب رہے ہیں،
شاہدخاقان عباسی طیارہ سازش کیس کےد وران پارٹی قائد نوازشریف کے جیل کے ساتھی بھی رہے ہیں یہ تعلق اتنی آسانی سے ختم نہیں ہوسکتا۔
رانا ثنااللہ نے تصدیق کی کہ پارٹی قیادت کے ساتھ کچھ چیزوں پران کی رائے مختلف ہوسکتی ہے یہ چیزیں پارٹیوں میں چلتی رہتی ہیں ،میرا ذاتی خیال ہے کہ یہ اختلافات دورہوجائیں گے۔

بلوچستان سے اغوا ہونے والے فٹ بالرزبازیاب ہونے کی خوشخبری آگئی۔

رواں ماہ9 ستمبر کوبلوچستان کے ضلع ڈیرہ بگٹی سے 6 فٹ بالرزکو اس وقت اغوا کرلیاگیاتھا جب وہ ٹورنامنٹ کے لئے سبی سے ڈیرہ بگٹی جارہے تھے ۔

فٹ بالرزکی بازیابی کے لئے سکیورٹی فورسزاورمقامی رہنمائوں کی جانب سے مسلسل کوششیں جاری رہیں، سکیورٹی فورسز نے اس دوران علاقے کی ناکہ بندی کرکے سرچ آپریشن بھی کئے۔

جمعہ کے روزایڈیشنل چیف سیکرٹری صالح ناصر نے تصدیق کی ہے کہ 6 فٹبالرز میں سے چار کو بازیاب کروالیا گیاہے جو بازیابی کے بعد اپنے گھروں تک پہنچادیئے گئے ہیں جبکہ باقی دوفٹ بالرزکی بازیابی کے لئے بھی کوششیں جاری ہیں۔

پاکستان تحریک انصاف ( پی ٹی آئی) نے نگران وزیراعظم کے بیرونی دوروں کو قابل مذمت قرار دے دیا۔
پی ٹی آئی کی کور کمیٹی کی جانب سے جاری بیان میں کہاگیا ہے کہ نگران وزیراعظم کی جانب سے سرکاری وسائل پر دنیا کی سیر نہایت قابلِ مذمت ہے، پاکستان کو سنگین معاشی مشکلات اور وسائل کی شدید قلّت کا سامنا ہے۔

پاکستان تحریک انصاف کی کور کمیٹی کے اجلاس کا اعلامیہ: pic.twitter.com/bOfEpdhLB4

— PTI Islamabad (@PTIOfficialISB) September 29, 2023

کورکمیٹی اعلامیہ کے مطابق نگران وزیراعظم بیرونی یاترا اور احمقانہ بیان بازی سے صورتحال کی سنگینی بڑھا رہے ہیں، نگراں وزیراعظم کودنیا گھومنے اور قومی وسائل ضائع کرنے سے اجتناب کرنا چاہیے۔
پی ٹی آئی نے مطالبہ کیا کہ قوم کو بتایا جائے نگران وزیراعظم کے سیروتفریح کے شوق پر قومی خزانے سے کتنے اخراجات کئے گئے ہیں۔
کورکمیٹی اعلامیہ میں چیف جسٹس آف پاکستان سے بھی مطالبہ کیاگیا ہے کہ آئینی مدت میں عام انتخابات کے انعقاد کی درخواستیں سماعت کیلئے مقرر کرکی جائیں۔

اسلام آباد: نگران وفاقی وزیراطلاعات مرتضیٰ سولنگی نے کہا ہے کہ جشن میلاد النبیؐ کے موقع پر حملہ کرنے والے دہشتگردوں کوریاست کچل دے گی

The very fact that the terrorists chose to target the celebration of the birth of the prophet ( PBUH) and the Friday prayer, martyring dozens of innocent Muslims, proves beyond a reasonable doubt that the beasts causing this carnage have nothing to do with any religion, ideology…

— Murtaza Solangi (@murtazasolangi) September 29, 2023

جمعہ کے روز سماجی رابطے کی ویب سائٹ ایکس پر اپنے پیغام میں مرتضیٰ سولنگی کا کہنا تھا کہ دہشت گردوں نے جشن ولادت رسول صلی اللہ علیہ وسلم اور نماز جمعہ کو نشانہ بنانے کا انتخاب کیا اور درجنوں بے گناہ مسلمانوں کو شہید کیا۔
وزیر اطلاعات کا کہناتھا کہ کوئی شک وشبہ نہیں کہ یہ قتل عام کرنے والے درندوں کا کسی مذہب سے کوئی تعلق نہیں۔
پاکستانی ریاست ان خونخوار درندوں کو پوری قوت اور پاکستانی عوام کی طاقت سے کچل دے گی۔