لاہور ( این این آئی) نامور اداکارہ عنایا خان نے کہا ہے کہ ابھی شادی کا کوئی پلان نہیں ہے مجھے کوئی اس قابل نہیں لگا جس سے شادی کرسکوں، آج کل کے زمانے میں لوگ بناوٹی ہیں جن سے بھی آپ مل رہے ہیں وہ 99 فیصد بناوٹی ہیں۔

ایک انٹر ویو میں اداکارہ نے کہا کہ آج کے دور میں آپ یہ نہیں جان سکتے کہ لوگوں کے پیچھے کیا چھپا ہے۔

ایک سوال کے جواب میں عنایا خان نے کہا کہ ہونے والاشوہر وفادار ہونا چاہیے، خیال رکھنے والا اور ہینڈسم ہو اور ڈسلپنڈ ہونا چاہیے۔

اداکارہ نے کہا کہ تھوڑا سا سوشل بھی ہو تو اچھا ہے، میرے ساتھ ویڈیو اور ریلز بنائے اور اسے ڈانس کرنا آتا ہو کیونکہ میں بہت اچھا ڈانس کرتی ہوں۔

لاہور (این این آئی) خوبرو پاکستانی اداکارہ علیزے شاہ نے نیا ہیئر اسٹائل اپنا لیا جس کی ویڈیو وائرل ہوگئی ہے۔

اداکارہ علیزے شاہ کی ویڈیو سوشل میڈیا پر وائرل ہورہی ہے جس میں انہیں کے پوپ سے متاثر ہوکر گلابی بالوں کا نیا ہیئر اسٹائل اپنائے دیکھا جاسکتا ہے۔

ویڈیو میں دیکھا جاسکتا ہے کہ علیزے شاہ نے باربی کی طرح بالوں کو گلابی رنگ کیا ہوا ہے اور میک اپ بھی ان کا گلابی رنگ کا ہی ہے۔

ابھی تک یہ واضح نہیں ہے کہ آیا انہوں نے یہ فلٹر استعمال کیا ہے یا پھر ایکسٹینشن ہے تاہم ویڈیو سوشل میڈیا پر وائرل ہورہی ہے اور مداح اس پر کمنٹس بھی کررہے ہیں۔

علیزے شاہ کے انسٹاگرام پر فالوورز کی تعداد 4.3 ملین سے زائد ہے۔

پاکستان کی اداکارہ و ماڈل نوال سعید نے انکشاف کیا ہے کہ کئی قومی کرکٹرز کی جانب سے سوشل میڈیا پر انہیں میسجز بھیجے جاتے ہیں۔

نجی ٹی وی کے پروگرام میں گفتگو کرتے ہوئے نوال سعید نے کہا کہ جب کرکٹرز کے ویریفائیڈ اکائونٹس سے میسجز بھیج کر تعریف کی جاتی ہے تو میں حیران ہوتی ہوں، ایسا بالکل بھی نہیں ہونا چاہیے۔

انہوں نے کہا کہ مجھے ساتھی اداکاروں کی جانب سے تو کبھی میسجز نہیں آئے، انہوں نے کسی کا نام لیے بغیر کرکٹرز کو پیغام دیا کہ آپ ملک کی نمائندگی کر رہے ہیں، ایسا کریں گے تو بالکل عجیب لگے گا۔

نوال سعید نے مزید کہا کہ میں نے بطور گلوکارہ کیریئر کا آغاز کیا تھا مگر بعد میں اداکاری کی طرف آ گئی۔

اداکارہ نے گفتگو کرتے ہوئے کہا کہ کبھی نہیں سوچا تھا کہ میں اتنی مقبول ہو جائوں گی، جو لوگ مجھے پسند کرتے ہیں ان کی بے حد شکر گزار ہوں۔

انہوں نے کہا کہ اپنے دوست اداکار نورحسن کے ساتھ برائیڈل شوٹ کروانے پر نور کے والدین کو رشتہ داروں کے فون آنے لگے تھے کہ آپ نے بیٹے کی شادی کر لی ہے مگر ہمیں نہیں بلایا۔

کراچی (این این آئی) پاکستان شوبز انڈسٹری کی مایاناز اداکارہ ماہرہ خان نے عزیز و اقارب اور انٹرٹینمنٹ انڈسٹری کے ستاروں سے سجی قوالی نائٹ کی ویڈیو سوشل میڈیا پر شیئر کر دی۔

ماہرہ خان اور ان کے دیرینہ دوست و کاروباری شخصیت سلیم کریم رواں ماہ کے آغاز میں مری سے قریبی واقع نجی ہوٹل میں منعقد ہونے والی تقریب میں شادی کے بندھن میں بندھ گئے تھے جن کی تصاویر اور ویڈیوز وقتا فوقتا سامنے آ رہی ہیں۔

اب گزشتہ شب اداکارہ نے اپنی قوالی نائٹ کی ویڈیو شیئر کی جس میں معروف گلوکارہ عابدہ پروین نے اپنے سر بکھیرے اور کلام تو جھوم جھوم پیش کر کے تمام حاضرین کو جھومنے پر مجبور کر دیا۔

اداکارہ نے مذکورہ ویڈیو کے کیپشن میں لکھا کہ جو مجھے جانتا ہے وہ عابدہ پروین کو بھی جانتا ہے،میرا تمام پیار اور عزت ان کیلئے، الحمد اللہ، شکر، صبر، شکر۔

کھڈیاں خاص (این این آئی) معروف اداکارہ، گلوکارہ، بیوٹیشن غزل شاہ معروف ہوسٹ و اینکر ماجدعلی کی ناگہانی وفات پر روپڑیں۔

اپنے ایک ویڈیو پیغام میں روتے ہوئے غزل شاہ نے کہاکہ ماجد علی میرے بھائیوں جیساتھا اور اس نے اس کی کمی بھی محسوس نہیں ہونے دی تھی وہ واحد بندہ تھا جو میری ہرکامیابی پر خوشی کا اظہار کرتا اور مجھے ڈھیروں دعائیں دیاکرتا تھا۔

انہوں نے کہا کہ ماجد علی کی ناگہانی وفات نے دل بوجھل کردیاہے، یوں لگتا ہے میرے اوپر سے ایک بھائی کا ہاتھ اٹھ گیا ہے۔

غزل شاہ نے کہاکہ ماجد علی جتنا اچھا ہوسٹ تھا اتنا پیارا اور ملنسار انسان بھی تھا، اس فیلڈ میں کوئی اس سے ناراض نہیں تھا بلکہ سب اس سے خوش تھے اوراسکی عزت کیا کرتے تھے کیونکہ اس نے جس کسی کو بھی بلایا عزت احترام سے بلایا۔

غزل شاہ نے کہاکہ اس کی وفات کا ابھی تک یقین نہیں ہو رہا اور مدتوں ہوگا بھی نہیں دل خون کے آنسو رو رہا ہے۔ اللہ اسے کروٹ کروٹ جنت نصیب کرے۔

ممبئی (این این آئی) بالی ووڈ کی معروف اداکارہ زرین خان کے خلاف دھوکا دہی کے الزام میں جاری ہونے والا وارنٹ گرفتاری منسوخ کردیا گیا۔

اس حوالے سے معلوم ہوا ہے کہ 2018 میں دھوکا دہی کے الزام میں ان کے خلاف کیس داخل کیا گیا تھا، تاہم کولکتہ ہائیکورٹ نے ان کی گرفتاری کا وارنٹ منسوخ کرنے کا حکم دیا۔

زرین خان کا کہنا تھا کہ وہ اس معاملے میں ملوث پولیس افسر کے خلاف قانونی چارہ جوئی کریں گی۔

بھارتی میڈیا کے مطابق زرین خان نے نہ تو ضمانت کی درخواست دائر کی اور نہ ہی عدالت کے سامنے پیش ہوئیں، ان کی بار بار غیر حاضری پر گرفتاری کا ورانٹ جاری کیا گیا۔

دوسری جانب زرین کے وکیل کا کہنا ہے کہ اداکارہ نے کسی کو دھوکا نہیں دیا، دراصل یہ بات ہی غلط فہمی کا نتیجہ ہے۔

لاہور(این این آئی) نامور اداکارہ مہک نور نے کہا ہے کہ اسٹیج کے حلقوں میں میری شادی کے حوالے سے پھیلائی جانے والی افواہیں بے بنیاد ہیں۔

اپنے وضاحتی بیان میں اداکارہ نے کہا کہ شادی کوئی چھپانے والی چیز نہیں، میں جب بھی شادی کروں گی سب کو آگاہ کروں گی۔ انہوں نے کہا کہ بعض لوگ میری شہرت سے حسد کرتے ہیں اور اس طرح کی بے بنیاد افواہیں کر تسکین حاصل کرنا چاہتے ہیں۔

انہوں نے کہا کہ شادی کے لئے ابھی بڑی عمر پڑی ہے، میں افواہیں پھیلانے والوں کو اتنا بتا دینا چاہتی ہوں کہ میں نے اس شخص کا انتخاب کر لیا ہے جس سے شادی کروں گی لیکن میں قبل از وقت اس کا نام نہیں لینا چاہتی۔

ممبئی (این این آئی) بالی وڈ اداکارہ ایشا گپتا نے انکشاف کیا ہے کہ انہیں جنسی تعلق بنانے سے انکار پر ایک فلم سے نکال دیا گیا تھا۔ بھارت کی کئی اداکارائیں پروڈیوسرز اور ہدایتکاروں کی جانب سے کام کے بدلے جنسی تعلقات بنانے کی پیشکش کا انکشاف کرچکی ہیں اور متعدد نے کھل کر اس معاملے پر بات کی ہے۔

اب بالی وڈ کی ایک اور اداکارہ ایشا گپتا نے بھی کاسٹنگ کاؤچ پر بات کی ہے۔ حال ہی میں بھارتی میڈیا کو دیے گئے انٹرویو میں ایشا گپتا نے انکشاف کیا کہ ایک فلم کے معاون پروڈیوسر نے جنسی تعلق بنانے کی پیش کش کی۔

انہوں نے کہاکہ ان دنوں میں ان کے ساتھ ایک فلم میں کام کر رہی تھی، اس فلم کا آدھے سے زیادہ کام ختم ہوچکا تھا لیکن میں نے جنسی تعلق بنانے سے انکار کردیا تو مجھے فلم سے نکال دیا۔

انہوں نے ایک اور واقعے کا ذکر کرتے ہوئے کہا کہ میں ایک فلم میں کام کر رہی تھی اور فلم کا آؤٹ ڈور شوٹ چل رہا تھا اور فلم سے جڑے دو لوگ آؤٹ ڈور شوٹ کے بہانے میرے ساتھ کچھ غلط کرنے والے تھے اور انہوں نے پوری منصوبہ بندی کرلی تھی۔

ان کا کہنا تھاکہ ان دونوں نے مجھے اپنے منصوبے میں پھنسانے کی پوری کوشش کی لیکن میں نے سمجھداری سے کام لیتے ہوئے اپنی خاتون میک اپ آرٹس کو ساتھ کمرے میں سلا دیا تھا جس کے باعث میں بچ گئی۔

پاکستان کی معروف اداکارہ ماہرہ خان نے اپنے قریبی دوست سلیم کریم سے شادی کر لی ہے۔

اداکارہ کے مینیجر انوشے طلحہ کی جانب سے ماہرہ خان کی شادی کی تقریب کی ویڈیو سوشل میڈیا پر شیئر کی گئی جہاں وہ وائرل ہو گئی۔

ویڈیو میں دیکھا جا سکتا ہے کہ ماہرہ خان نے سفید رنگ کا لہنگا پہنا ہوا ہے جبکہ دلہا سلیم کریم شیروانی پہنے ہوئے ہیں۔

واضح رہے کہ ماہرہ خان نے اس سے قبل ثمینہ پیرزادہ کے ساتھ گفتگو کرتے ہوئے سلیم کریم کے ساتھ تعلق کی تصدیق کی تھی۔

سوشل میڈیا پر شادی کی تقریب کی ویڈیو وائرل ہونے پر ماہرہ خان کے چاہنے والوں نے ان کے لیے نیک خواہشات کا اظہار کیا ہے اور دعائیں دی ہیں۔ یاد رہے کہ یہ ماہرہ خان کی دوسری شادی ہے۔

لاہور(این این آئی) اداکارہ و ماڈل سویرا شیخ نے کہا ہے کہ شوبز میں کامیابیوں کے بعد اپنی تمام تر توجہ شعبہ طب کی جانب کر لی ہے۔

اپنے ایک بیان میں انہوں نے کہاکہ میں روایتی بیان بازی نہیں کر رہی بلکہ میں حقیقت میں اپنے شعبے کے ذریعے دکھی انسانیت کی خدمت کرنا چاہتی ہوں۔

انہوں نے کہا کہ میڈیکل کی تعلیم کا آخری سال ہے جس کے بعد وطن واپس آ کر اس کی پریکٹس شروع کر دوں گی، میرا یہ عزم ہے کہ میں غریب اور مستحق لوگوں کیلئے بغیر کسی معاوضے کے فرائض سر انجام دوں گی۔

انہوں نے کہا کہ میرا یہ ماننا ہے کہ اگر خدا کی ذات کی قربت حاصل کرنی ہے تو دکھی انسانیت کی خدمت کی جائے اور شعبہ طب اس کا بہترین ذریعہ ہے۔

انہوں نے کہا کہ میرا آخری سال ہے اور جلد میں ڈاکٹر بن کر دکھی انسانیت کی خدمت کا سلسلہ شروع کردوں گی۔