اسلام آباد کی ڈسٹرکٹ اینڈ سیشن عدالت نے پی ٹی آئی کے رہنما شہباز گل کے بغاوت پر اکسانے کے کیس میں دوبارہ ناقابل ضمانت وارنٹ گرفتاری جاری کر دیے ہیں۔ جبکہ شریک ملزم عماد یوسف کے خلاف ٹرائل ختم کر دیا گیا ہے۔

ڈسٹرکٹ اینڈ سیشن عدالت کے جج طاہر سپرا نے سماعت کرتے ہوئے شریک ملزم عماد یوسف کے خلاف ٹرائل ختم کرنے کے احکامات دیے۔

جج طاہر سپرا نے شہباز گل کے دوبارہ ناقابل ضمانت وارنٹ گرفتاری جاری کرتے ہوئے کہا کہ وہ جب بھی آئیں گرفتار کر کے عدالت میں پیش کیا جائے۔

اسلام آبادمیں غیرقانونی طورپرمقیم غیرملکیوں کے خلاف کریک ڈائون کے نتائج سامنے آناشروع ہوگئے۔
نگران حکومت نے پاکستان میں غیرقانونی طورپرمقیم غیرملکیوں کوواپسی کے لئے 3 اکتوبر تک کی ڈیڈلائن دے رکھی ہے۔ ڈیڈ لائن کے بعد ایسے تمام غیرملکیوں کوگرفتارکیاجائے گا جن کے ویزے کی مدت ختم ہوچکی ہے۔
اسلام آبادپولیس غیرقانونی طورپرمقیم افغان شہریوں کے خلاف بھی بڑے پیمانے پرکارروائیاں کررہی ہے۔
خبررساں ادارے این این آئی کے مطابق اسلام آبادسے 398 غیرملکیوں کوگرفتارکیاگیا اوران کے خلاف مختلف تھانوں میں 43 مقدمات بھی درج کرائے جاچکے ہیں۔ ان غیرملکیوں میں اکثریت افغان باشندوں کی ہے ۔
اسلام آباد کے علاوہ دیگر شہروں میں بھی غیرقانونی افغان باشندوں کی گرفتاریاں عمل میں لائی جارہی ہیں۔
اقوام متحدہ کے ادارہ برائے مہاجرین یواین ایچ سی آر کے مطابق پاکستان میں موجودافغان مہاجرین کی تعداد37 لاکھ سے زیادہ ہے جن میں سے 10 لاکھ سے زیادہ مہاجرین ایسے ہیں جن کے پاس شناختی دستاویزات نہیں۔

راولپنڈی اور اسلام آباد سمیت جڑواں علاقوں میں گرچ چمک کے ساتھ بارش ہوئی ہے جس کے بعد موسم خوشگوار ہو گیا ہے۔

شہر اقتدار میں گرچ چمک کے ساتھ بارش کے بعد تیز ہوائیں چل پڑیں جس سے موسم سرد ہو گیا۔ اس کے علاوہ پشاور اور ملحقہ علاقوں میں بارش کی وجہ سے گرمی کی شدت کم ہوئی ہے۔

محکمہ موسمیات نے پیشگوئی کی ہے کہ پنجاب، خیبرپختونخوا، آزادکشمیر اور گلگت بلتستان میں مزید بارش ہو سکتی ہے۔