پاکستان کی ممتاز اداکارہ اُشنا شاہ نے کہا ہے کہ ہم فلسطین کی آزادی تک چین سے نہیں بیٹھیں گے، اسرائیل اور حماس کی حالیہ کشیدگی میں ہمیں صرف جنگ بندی ہی نہیں فلسطین کی مکمل آزادی چاہیے۔

کراچی میں فلسطینیوں کے ساتھ اظہار یکجہتی کے لیے نکالی گئی ریلی سے خطاب کرتے ہوئے اُشنا شاہ نے کہا کہ فلسطین کے معصوم عوام پر 1948 سے مظالم ڈھائے جا رہے ہیں، اسرائیل فلسطین کے عوام کی نسل کشی کر رہا ہے جو قابل مذمت ہے۔

اداکارہ نے کہا کہ ہمیں فلسطین میں وہ آزادی چاہیے جہاں زندگی گزارنے کی آزادی ہو اور کوئی خوف نہ ہو۔

اشنا شاہ نے مزید کہا کہ اس وقت اسرائیل اور فلسطین کے تنازع میں مغربی میڈیا پروپیگنڈا کر رہا ہے، ہم غزہ تو نہیں جا سکتے لیکن احتجاج کے ذریعے اپنی حکومت پر دبائو ڈال سکتے ہیں کہ کھل کر فلسطین کے عوام کی حمایت کرے۔

پاکستان کی معروف اداکارہ اُشنا شاہ نے مظلوم فلسطینیوں کی حمایت کرتے ہوئے جعلی خبروں پر امریکی یہودیوں کوجاہل قرار دے دیا ۔
اُشنا شاہ نے سماجی رابطے کی ویب سائٹ ایکس پر جاری کیے گئے اپنے پیغام میں کہا کہ ‘امریکی یہودی اور میری جان پہچان کے وہ لوگ جو لاس اینجلس میں ہیں، اُن کی جہالت ظاہر ہورہی ہے’۔

Dear Jewish American acquaintances , especially those I know in LA
Your bigotry is showing.

Your deliberate ignorance is glaring evidence that you believe Jewish lives matter more than Arab ones. If your media and community are feeding you bias, it's on YOU to educate yourself…

— Ushna Shah (@ushnashah) October 12, 2023

اداکارہ نے امریکی یہودیوں کو کہا کہ ‘آپ کا میڈیا، آپ کو تعصب کا شکار کر رہا ہے لہٰذا آپ کے لیے ضروری ہے کہ اپنی آنکھیں کھولیں اور سچ دیکھیں
اُنہوں نے کہا کہ ‘آپ جان بوجھ کر حقیقت سے لاعلم ہورہے ہیں، آپ کے نزدیک یہودیوں کی زندگی عربوں سے زیادہ اہمیت رکھتی ہے۔
اُشنا شاہ نے کہا کہ آپ لوگ اسرائیل کو مظلوم دِکھا کر سوشل میڈیا پر جو خبریں پوسٹ کررہے ہیں وہ غلط معلومات پر مبنی ہیں۔
اداکارہ نے مزید کہا کہ ‘آپ میں سے بہت سے فنکار بھی غلط کا ساتھ دے رہے ہیں، اس صہیونی ذہنیت سے نکلیں۔
اُنہوں نے اپنے پیغام میں “آزاد فلسطین” اور “آزاد غزہ” ہیش ٹیگز کا بھی استعمال کیا۔