اسلام آبادپولیس  نے ایک بڑی کارروائی  کے دوران ڈاکوئوں کے افغان نژاد گروہ کے 3 خطر ناک ڈکیت زخمی حالت میں گرفتار کر لیئے ہیں۔ یہ ڈکیت گروہ اعلی سیاسی شخصیات کے گھروں پر ڈاکہ ذنی کی سنگین وارداتوں میں ملوث ہے جبکہ یہی گروہ راولپنڈی میں ایک سیشن جج کے قتل میں بھی ملوث ہے

پولیس حکام کے مطابق گروہ سنگین نوعیت کے درجنوں مقدمات میں پولیس کو مطلوب تھا،کارروائی کے دوران ایک ملزم موقع سے فرار ہو گیا، جس کی گرفتاری کے لیے چھاپے مارے جا رہے ہیں۔

 گرفتار زخمی افغان ڈکیت کے حوالے سے معلوم ہوا ہے کہ ان ڈاکوؤں نے سابق چیئرمین سینٹ وسیم سجاد کے گھر ڈکیتی کی، انھوں نے مرحوم نعیم الحق کے گھر میں بھی واردات کی، اور غیر ملکی سفارت خانے میں تعینات خاتون کے گھر میں بھی ڈکیتی کی۔

پولیس حکام کا کے مطابق  یہ کارروائی اسلام آباد میں غیرقانونی طورپر مقیم غیر ملکیوں کے خلاف مہم کے دوران  بعض مشکوک نام سامنے آ نے پر عمل میں لائی گئی ، ملزمان کے مکمل گینگ کے حوالے سے مزید تحیقیقات جاری ہیں۔ ملزمان کو مقابلے کے بعد زخمی حالت میں  گرفتار کیا گیا۔