اسلام آباد انتظامیہ اور سی ڈی اے نے مشترکہ آپریشن کرتے ہوئے غیر قانونی افغان بستی مسمار کر دی۔

تفصیلات کے مطابق اسلام آباد میں غیر قانونی مقیم غیر ملکیوں کے خلاف کارروائیں جاری ہیں ۔ سی ڈی اے نے آج  آپریشن کرتے ہوئے آئی 12 ٹو مارگلہ ٹائون میں قائم غیر قانونی بستی مسمار کر دی۔ حکام کے مطابق آپریشن سی ڈی اے انفورسمنٹ ونگ کے ڈی جی کی زیر نگرانی عمل میں لایا گیا۔

ڈی جی انفورسمنٹ نے اس حوالے سے بتایا کہ زمین واگزار کروانے کیلئے آپریشن میں ہیوی مشینری سے غیر قانونی تعمیر شدہ گھروں، دکانوں کو مسمار کیا گیا۔ آپریشن اسلام آباد انتظامیہ، پولیس اور سی ڈی اے انفورسمنٹ ونگ نے مشترکہ کارروائی کی ۔

خیال رہے کہ اس سے پہلے سی ڈی اے نے اسلام آباد کے مارگلہ ٹاؤن میں بھی غیر قانونی افغان بستی مسمار کی تھی۔ انتظامیہ کے مطابق علاقے میں موجود غیر قانونی تعمیرات کو گرا دیا گیا تھا۔