اسلام آباد(این این آئی)ایف بی آر نے افغان ٹرانزٹ ٹریڈ کے تحت درآمد ہونیوالی 5اشیا پر 10فیصد پروسسنگ فیس عائد کردی جس پر اطلاق فوری ہوگا۔
ایف بی آر نے افغان ٹرانزٹ ٹریڈ کے تحت درآمد ہونے والی 5اشیا پر 10فیصد پروسسنگ فیس عائد کردی، جس کے بعد پاکستان کسٹمز نے ایس آر نمبر 1380جاری کردیا ہے جس پر اطلاق فوری ہوگا۔ایس آر او کے مطابق افغان ٹرانزٹ ٹریڈ کے تحت چاکلیٹ اور ٹافیوں کی 10ٹیرف لائنز کی درآمد پر پروسیسنگ فیس عائد کی گئی ہے۔جوتوں کی 21ٹیرف لائنز پر پروسسنگ فیس، چیپٹر 84اور 85کی تمام مشینری ماسوائے مکمل ہوم اپلائنسز پر پروسسنگ فیس، کمبل اور ہوم ٹیکسٹائل کی 10ٹیرف لائنز پر بھی پروسسنگ فیس جبکہ ملبوسات کی 33ٹیرف لائنز پر پروسسنگ فیس عائد کی گئی ہے۔
ایس آراوکے مطابق 2اکتوبرسے پہلے داخل شدہ جی ڈیز کو پروسسنگ فیس سے استثنیٰ ہوگا۔ذرائع وزارت تجارت کے مطابق حکومتی اقدامات کا مقصد سمگلنگ روکنا اور مقامی صنعت کی بحالی ہے۔