نئی دہلی: سابق بھارتی کپتان اجے جدیجا کو افغانستان کرکٹ ٹیم کا مینٹورمقرر کر دیا گیا ۔ اجے جدیجا کو افغانستان کرکٹ بورڈ نے آئی سی سی ورلڈ کپ کے لیے مینٹور مقرر کیا ہے۔
افغانستان کرکٹ بورڈ نے تصدیق کی ہے کہ اجے جدیجا نے ٹیم کو مینٹور کے طور پر جوائن کر لیا ہے، وہ افغانستان کرکٹ ٹیم کے بیٹرز کے ساتھ خصوصی طور پر کام کریں گے۔افغانستان کرکٹ بورڈ نے کہا کہ اجے جدیجا کو صرف ورلڈ کپ کے لیے مینٹور مقرر کیا گیا ہے۔واضح رہے کہ افغانستان کرکٹ ٹیم ورلڈ کپ میں اپنا پہلا میچ 7 اکتوبر کو بنگلا دیش کے خلاف دھرمشالہ میں کھیلے گی۔