اسرائیل پرحماس کے حملے میں ہلاک ہونے والے امریکیوں کی تعداد میں اضافہ ہوگیا۔
امریکی محکمہ خارجہ نے رواں ہفتے اسرائیل میں حماس کے حملوں میں کم از کم 22 امریکی شہریوں کی ہلاکت اور17 کے لاپتہ ہونے کی تصدیق کی ہے۔
امریکی محکمہ خارجہ کے ترجمان نے بدھ کی سہ پہر بتایا کہ رواں ہفتے اسرائیل میں حماس کے حملوں میں کم از کم 22 امریکی شہریوں کی ہلاکت کی تصدیق ہوگئی ہے ۔ انہوں نے کہا کہ ہم تمام متاثرہ افراد کے خاندانوں کے دکھ میں شریک ہیں اور ان سے تعزیت کا اظہار کرتے ہیں، امریکی ترجمان جان کربی نے کہا ہے کہ اسرائیل سے آنے والی خبریں پریشان کن ہیں۔ جان کربی کا کہنا تھا کہ یرغمالیوں کی بازیابی کے لئے قطرکے ذریعے بات چیت جاری ہے ۔
ایک روز قبل امریکی صدر بائیڈن نے 14 امریکی شہریوں کی اسرائیل میں ہلاکت کی تصدیق کی تھی۔

امریکی حکومت نے اسرائیل میں اپنے شہریوں کی ہلاکت کے اعدادوشماری جاری کردیئے ۔
وائٹ ہاؤس نے تصدیق کی ہے کہ 9 امریکی شہری اسرائیل پرحماس کے حملوں میں ہلاک ہوگئے گئے ہیں، وائٹ ہائوس کی جانب سے جاری بیان میں کہا گیا ہے کہ ’ہم متاثرین اور تمام متاثرہ خاندانوں کے ساتھ تعزیت کا اظہار کرتے ہیں اور زخمیوں کی جلد صحت یابی کے لیے دعا گو ہیں۔‘
بیان میں مزید کہا گیا ہے کہ ’ہم صورتحال پر گہری نظر رکھے ہوئے ہیں اور اپنے دوست مُلک اسرائیلی کے ساتھ رابطے میں ہیں۔‘
اسرائیل میں دس برطانوی شہریوں کی ہلاکت یا گمشدگی کا بھی خدشہ ہے۔