مودی سرکار کے بھارت میں مسلمانوں کے خلاف نفرت کا ایک اور واقعہ سامنے آ گیا ہے۔
بھارتی میڈیا کے مطابق ہندو انتہا پسند احمدآباد میں ایک سکول میں گھس گئے اور نماز سکھانے والے معلم پر بدترین تشدد کیا، جس کی ویڈیو وائرل ہو گئی ہے۔
ہندو انتہا پسندوں اور مقامی اہلکاروں نے نماز سکھانے والے ٹیچر کو معافی مانگنے پر مجبور کیا۔
دوسری جانب سکول انتظامیہ نے اپنے موقف میں بتایا ہے کہ طالبعلموں کو مختلف مذاہب سے متعلق آگاہی دینے کے لیے پروگرام منعقد کیا گیا تھا جس میں نماز کا طریقہ بھی بتایا گیا۔
انتظامیہ نے وضاحت کی ہے کہ کسی ہندو بچے کو زبردستی نماز پڑھنے پر مجبور نہیں کیا گیا۔
سکول ٹیچر کو تشدد کا نشانہ بنانے والے انتہاپسندوں کے خلاف اب تک کوئی کارروائی عمل میں نہیں لائی جا سکی۔
