ممبئی (این این آئی)بالی ووڈ اداکارہ ایشوریا رائے نے گذشتہ روز لیجنڈ اداکار امیتابھ بچن کی سالگرہ کے موقع پر لی گئی فیملی فوٹو کو کراپ کرکے (کاٹ کر) شیئر کردیا، جس پر انہیں تنقید کا سامنا کرنا پڑا۔
ایشوریا نے انسٹاگرام پر تصویر شیئر کی جس میں ان کے سسر اور بیٹی ساتھ کھڑے مسکرا رہے ہیں۔
ایشوریا کے تصویر شیئر کرتے ہوئی صارفین نے فوراً بھانپ لیا کہ یہ ایک فیملی فوٹو کو کاٹ کر نئی تصویر بنائی گئی ہے۔
اس فیملی فوٹو میں امیتابھ بچن، جیا بچن، ناویا، اگستیا اور ارادھیا سب شامل تھے لیکن ایشوریا نے جو تصویر شیئر کی اس میں صرف امیتابھ بچن اور ارادھیا نظر آرہی ہیں۔ایشوریا نے کیپشن دیا کہ خدا آپ پر ہمیشہ مہربان رہے۔
