ایم ڈی کیٹ ٹیسٹ میں بلیو ٹوتھ کے ذریعے بڑے پیمانے پر نقل کیسز سامنے آنے کے بعد پشاور ہائیکورٹ نے میڈیکل کالجز انٹری ٹیسٹ سے متعلق فیصلہ برقرار رکھتے ہوئے 6 ہفتوں میں دوبارہ ٹیسٹ منعقد کرانے کا حکم جاری کر دیا۔

ایم ڈی کیٹ ٹیسٹ منعقد کرنے سے متعلق پشاور ہائیکورٹ نے محفوظ سناتے ہوئے کہا کہ جے آئی ٹی نے بڑے پیمانے پر نقل کو بے نقاب کیا، جس کے بعد حکومت نے دوبارہ ٹیسٹ منعقد کرانے کا فیصلہ کیا۔

فیصلے میں مزید کہا گیا ہے کہ کابینہ کی منظوری کے بعد معاملے میں مداخلت نہیں کرتے، عدالت نے حکم دیا کہ کابینہ کے فیصلے کے مطابق 6 ہفتوں کے اندر شفاف ٹیسٹ کا انعقاد یقینی بنایا جائے۔ ہائیکورٹ نے ٹیسٹ سے متعلق 70 سے زائد درخواستوں کو نمٹا دیا۔