پاکستان مخالف فلمیں کرنے والے بالی وڈ اداکار سنی دیول کو پاکستانی اداکار بابر علی نے آڑے ہاتھوں لے لیا۔

اداکار بابر علی نے ایک پوڈ کاسٹ انٹرویو میں گفتگو کی ہے جہاں انہوں نے سنی دیول کو نئی فلم کی مبارکباد دینے کے ساتھ ساتھ یہ مشورہ بھی دیا کہ پروپیگنڈا فلموں سے اجتناب کریں۔

انہوں نے کہا کہ سنی دیول کو کوئی حق نہیں پہنچتا کہ وہ پاکستان کو بدنام کریں۔

ان کا کہنا تھا کہ پاکستان میں بھی حب الوطنی پر فلمیں بنی ہیں مگر کبھی کسی دوسرے ملک کی عزت کو نہیں اچھالا گیا۔

بھارتی فلم انڈسٹری بالی وڈ کے ممتاز فلمساز روہت شیٹی کی نئی ویب سیریز’انڈین پولیس فورس‘ کی ریلیز کی تاریخ سامنے آ گئی ہے۔

روہت شیٹی کی فلم آئندہ برس 19 جنوری 2024 کو ایمازون پرائم ویڈیو پر ریلیز کی جائے گی۔

فلم میں معروف شوبز استارے سدھارتھ ملہوترا، سشمیتا سین اور ویویک اوبرائے اپنے ایکشن دکھائیں گے۔

پرائم ویڈیو نے سماجی رابطے کی ویب سائٹ ایکس پر جاری اپنے ایک بیان میں کہا ہے کہ ناظرین ایکشن سے بھرپور فلم دیکھنے کے لیے تیار ہو جائیں۔

اپنے ملک کی بہترین خدمت کرنے والے پولیس افسران کو خراج تحسین پیش کرنے کے لیے فلم کو ’پولیس کمیموریشن ڈے‘ پر ریلیز کیا جائے گا۔

ممبئی (این این آئی) بالی ووڈ اداکار عمران خان سے متعلق انکشاف ہوا ہے کہ وہ 8 برس بعد بالی ووڈ میں واپسی کیلئے تیار ہیں جس کیلیے انکی ایک نامور ہدایتکار سے بات چیت بھی شروع ہوگئی ہے۔

اپنی مشہور فلموں جانے تو یا جانے نا، دہلی بیلی، آئی ہیٹ لوو اسٹوریز، گوری تیرے پیار میں اور کڈنیپ سمیت دیگر کی وجہ سے کافی معروف ہیں۔

بالی ووڈ سپر اسٹار عامر خان کے بھانجے عمران خان آخری بار 2015 کی بالی ووڈ فلم کٹی بٹی میں نظر آئے تھے۔ جس کے بعد سے 40 سالہ عمران خان فلمی دنیا سے دور رہے۔ اس دوران انکے پرستار انکی واپسی کے حوالے سے حیران و پریشان رہے۔

تاہم اب 8 برس بعد عمران خان کی جانب سے ممبئی کی فلم نگری میں واپسی کے حوالے سے انکشاف ہوا ہے۔ اس سلسلے میں بھارتی میڈیا میں یہ اطلاع تھی کہ عمران خان کی معروف بھارتی فلمی ہدایتکار اور اسکرین رائٹر عباس ٹائر والا سے ایک جاسوسی و ایکشن ڈرامہ سیریز کے حوالے سے پہلے ہی بات چیت چل رہی ہے، یہ سیریز ایک معروف او ٹی ٹی پلیٹ فارم پر اسٹریم ہوگی۔

بھارتی فلم انڈسٹری بالی وڈ کے کنگ شاہ رخ خان کی نئی میگا فلم ڈنکی کی ریلیز کی تاریخ تبدیل ہو گئی ہے۔ فلم کو اب 21 دسمبر کو دنیا بھر میں سینما گھروں میں پیش کیا جائے گا۔

فلم کی تاریخ کے لیے 22 دسمبر کی تاریخ سامنے آئی تھی لیکن ایک اور فلم سالار کی ریلیز کی بھی یہی تاریخ ہونے کی وجہ سے اب 21 دسمبر کا دن فلم کی ریلیز کے لیے رکھا گیا ہے۔

ڈنکی کو سالار سے ایک دن پہلے ریلیز کرنے کا مقصد یہ ہے کہ نئی فلم کی ریلیز سے قبل ڈنکی مکمل طور پر فلم انڈسٹری پر راج کرے۔

تجزیہ کاروں کا کہنا ہے کہ شاہ رخ خان معروف اداکار ہیں، ان کی وجہ سے فلم ایک دن میں ہی مقبول ہو جائے گی۔

بھارتی فلم انڈسٹری بالی وڈ کے معروف اداکارہ امیتابھ بچن نے انکشاف کیا ہے کہ وہ پروفیشنل زندگی کا آغاز انڈین ایئرفورس کو جوائن کر کے کرنا چاہتے تھے مگر انہیں اس میں کامیابی نہ مل سکی۔

امیتابھ بچن نے نجی ٹی وی کے شو’کون بنے گا کروڑ پتی‘ میں گفتگو کی ہے جہاں میزبان کی جانب سے انہیں مختلف سوالات کیے گئے۔

اداکار نے کہا کہ ٹانگیں لمبی ہونے کی وجہ سے انڈین ایئرفورس کے انٹرویو میں مجھے مسترد کر دیا گیا۔

امیتابھ بچن نے کہا کہ جب تعلیم مکمل ہوئی تو کچھ معلوم نہیں تھا کہ زندگی میں کیا کرنا ہے۔ ایک میجر جنرل نے مشورہ دیا کہ آرمی جوائن کر لو مگر میں ایئرفورس میں جانا چاہتا تھا۔

واضح رہے کہ امیتابھ بچن نے شوبز کی دنیا میں اپنے کیریئر کا آغاز 1969 میں کیا۔ ان کی پہلی فلم سات ہنوستانی تھی مگر انہیں جس فلم کی وجہ سے شہرت ملی اس کا نام آنند ہے۔

امیتابھ بچن اب تک بالی وڈ میں 200 سے زیادہ فلموں میں اپنی صلاحیتوں کا لوہا منوا چکے ہیں۔

کراچی (این این آئی) پاکستان کے نامور اداکار فیصل قریشی نے بالی وڈ میں کام نہ کرنے کی وجہ بالی وڈ کا پاکستان مخالف پروپیگنڈہ قرار دیا ہے۔

حال ہی میں اداکار فیصل قریشی فریحہ الطاف کے پوڈکاسٹ میں شریک ہوئے جس دوران میزبان نے ان سے بالی وڈ میں کام نہ کرنے کی وجہ پوچھی؟ اس کے جواب میں اداکار نے بتایا کہ ‘بالی وڈ سے میری بنتی نہیں ہے کیوں کہ میرے دل میں جو ہے میں اس کا اظہار کردیتا ہوں، میری اسی عادت کی وجہ سے میرے بھارتی مداح مجھ سے ناراض بھی ہوجاتے ہیں۔

فیصل قریشی نے کہا کہ اگر اس وقت کسی بھی اداکار کو بھارت میں اپنی فلم ہٹ کرنی ہے تو پاکستان کو گالی دینا ہوگی، شاہ رخ خان کی فلموں کو پاکستان میں ہر طرح سے سپورٹ ملا لیکن پھر شاہ رخ خان نے بھی وہی کیا۔

اداکار نے مزید کہا کہ بھارت میں فلمز ہٹ کرنے کیلئے پاکستان کو گندا کریں آپ آئی ایس آئی کو گندا کریں، یہی وہ چیزیں ہیں جن سے کوئی اداکار بھارت میں نام کما سکتا ہے لیکن یہ سب چیزیں دیکھ کر تکلیف ہوتی ہے۔

فیصل قریشی کا کہنا تھا کہ ‘جو سلوک بھارت میں بلاول بھٹو زرداری کے ساتھ ہوا پاکستان میں ایسے کسی بھارتی کے ساتھ سلوک کا کوئی واقعہ نہیں ملے گا کیوں کہ پاکستانی گھر آنے والے کیلئے دل کھول دیتے ہیں۔