دنیا کی کسی بھی زبان میں خبریں پڑھنے کے لیے یہاں کلک کریں۔
مہنگی بجلی مزید مہنگی کرنے کی تیاری کر لی گئی ہے ۔
میڈیا رپورٹس کے مطابق نیپرا کو دی گئی درخواست میں بجلی فی یونٹ 55 پیسے مہنگی کرنے کی استدعا کی گئی ہے۔
سنٹرل پاور پرچیزنگ ایجنسی کی درخواست منظور ہونے کی صورت میں ڈسکوز کے صارفین پر 8 ارب 37 کروڑ روپے کا مزید بوجھ ڈالا جائے گا۔
درخواست ستمبر کی فیول پرائس ایڈجسٹمنٹ کے تحت دی گئی ہے۔نیپرا یکم نومبر کو درخواست پر سماعت کرے گا۔
لاہور( این این آئی) لاہور الیکٹرک سپلائی کمپنی ( لیسکو )ریجن کے پانچوں اضلاع میں بجلی چوروں کے خلاف آپریشن جاری ہے اور 27ویںروز 451 افراد بجلی چوری کرتے پکڑے گئے، 450 بجلی چوروں کے خلاف ایف آئی آرز کی درخواستیں متعلقہ تھانوں میں دائر کر دی گئیں جبکہ 63 ملزمان کو گرفتار بھی کیا گیا ۔
ترجمان کے مطابق پکڑے جانے والے کنکشنز میں کمرشل17، زرعی 8، انڈسٹریل1 اور425 ڈومیسٹک کنکشنز تھے۔ تمام کنکشنز منقطع کرکے ان کو9لاکھ75ہزار689یونٹس ڈٹیکشن بل کی مد میں چارج کئے گئے ہیں جن کی مالیت 4کروڑ49لاکھ122روپے بنتی ہے۔
ترجمان کے مطابق بجلی چوروں کے خلاف کئے جانے والے آپریشن میں بڑے کمرشل صارفین بھی بجلی چوری میں ملوث پائے گئے، ان تمام کے کنکشنز بھی منقطع کئے گئے اور ان کو ڈٹیکشن یونٹس چارج کئے گئے۔
رائے ونڈ روڈ کے علاقے میں بجلی چور کو550240 روپے، بدوکی میں520500روپے، باغبانپورہ کے علاقے میں 8338 یونٹس پر458590 روپے اور صدر شیخوپورہ کے علاقے میں بجلی چور کو14670 یونٹس پر456780 کی رقم چارج کی گئی ہے۔27روز کے آپریشن کے دوران کل 12570 کنکشنزچیک کئے گئے،12468 کنکشنز کے خلاف ایف آئی آر کی درخواستیں جمع کروائی گئیں جن میں سے11643 درخواستیں رجسٹرڈ ہو چکی ہیں جبکہ کل4217 ملزمان کو گرفتار کیا گیا ۔ ترجمان کے مطابق بجلی چوروں کو 2کروڑ62لاکھ91ہزار198یونٹس چارج کئے گئے ہیں جن کی رقم 1ارب18کروڑ11لاکھ44ہزار203روپے بنتی ہے۔
اسلام آباد (این این آئی)نیشنل الیکٹرک پاور ریگولیٹری اتھارتی (نیپرا) نے حکومت پاکستان کی جانب سے مالی سال 23ء کی پہلی اور چوتھی سہ ماہی کے لیے دائر کردہ سہ ماہی ایڈجسٹمنٹ (کیو اے) کی دو درخواستوں پر فیصلہ کردیا ہے۔ نوٹیفکیشن کے اجرا کے بعد سہ ماہی ایڈجسٹمنٹ کے۔الیکٹرک کے صارفین پر بھی لاگو ہوگا۔کے۔الیکٹرک کے مطابق نیپرا اور حکومت پاکستان طے شدہ قواعد و ضوابط کے مطابق سہ ماہی ایڈجسٹمنٹ کی منظوری دیتے ہیں اور ساتھ ہی اْس مدت کا بھی تعین کرتے ہیں، جس میں اسے صارفین پر بلوں کے ذریعے لاگو کیا جائے گا۔ کے۔الیکٹرک سمیت پاور ڈسٹری بیوشن کمپنیوں کا سہ ماہی ایڈجسٹمنٹ سے کوئی تعلق نہیں اور اس میں اضافہ اور کمی میں ان کا کوئی کردار نہیں ہوتا۔22 ستمبر 2023 کے پہلے فیصلے میں نیپرا نے مالی سال 2022ـ23 کی چوتھی سہ ماہی کے لیے دیگر ڈسکوز کے صارفین پر 3.28 روپے فی یونٹ سہ ماہی ایڈجسٹمنٹ کی منظوری دی ہے۔ وفاقی حکومت کی جاری کردہ پالیسی گائیڈ لائنز کے مطابق سہ ماہی ایڈجسمنٹس کا اطلاق کے۔الیکٹرک کے صارفین پر بھی ہوگا۔ حکومت کے نوٹیفکیشن کے بعد یہ سہ ماہی ایڈجسٹمنٹ اکتوبر 2023 سے مارچ 2024 تک چھ ماہ کی مدت کے لیے پورے ملک کے صارفین پر لاگو ہوگا۔کے۔الیکٹرک کے مطابق نیپرا کے فروری تا مارچ 2023 کی سہ ماہی کے لیے جاری کردہ فیصلے میں کیو اے کا اطلاق دیگر ڈسکوز اور کے۔الیکٹرک کے صارفین پر بھی کیا ہے، جس کے مطابق 300 یونٹس تک استعمال کرنے والے صارفین پر 1.48 روپے فی سہ ماہی ایڈجسٹمنٹ لاگو کیا گیا ہے (علاوہ لائف لائن صارفین کے)۔ دیگر تمام رہائشی صارفین پر 3.21 روپے فی یونٹ اور دیگر تمام زمروں کے صارفین پر 4.45 روپے فی یونٹ لاگو کیا گیا ہے کچھ کمرشل اور زرعی صارفین کو چھوڑ کر، جن سے باالترتیب 2.68 روپے فی یونٹ اور 4.14 روپے یونٹ وصول کیا جائے گا۔ وفاقی حکومت کی جانب سے نوٹیفیکیشن کے اجرا کے بعد سہ ماہی ایڈجسٹمنٹ کو صارفین سے اکتوبر اور نومبر 2023 کے بلوں کے ذریعے وصول کیا جائے گا۔
حیدر آباد (این این آئی)حیدرآباد الیکٹرک سپلائی کمپنی (حیسکو) کے ترجمان نے کہا ہے کہ بجلی کا بل نہ بھرنے پر کسٹمز ہائوس حیدرآباد کی بجلی کاٹ دی گئی۔
ترجمان حیسکو کے مطابق بل نہ بھرنے پر ایف بی آر کالونی اور بجلی تقسیم کار کمپنی این ٹی ڈی سی کالونی کی بجلی بھی کاٹ دی گئی۔
حیسکو کے مطابق این ٹی ڈی سی کالونی حیدرآباد پر 7 کروڑ روپے کے واجبات ہیں۔ ترجمان حیسکو نے کہا کہ کسٹمز ہائوس پر 53 لاکھ روپے کے واجبات ہیں جبکہ ایف بی آر پر بجلی کے بل کی مد میں 7 لاکھ روپے کے واجبات ہیں۔
اسلام آباد(این این آئی)نیشنل الیکٹرک پاور ریگولیٹری اتھارٹی (نیپرا)نے بجلی مہنگی کرنے کا فیصلہ کرلیا۔
نیپرا نے سہ ماہی ایڈجسٹمنٹ کی مد میں بجلی 3روپے 28پیسے فی یونٹ مہنگی کرنے کی منظوری دے دی۔
نیپرا نے سہ ماہی ایڈجسٹمنٹ سے متعلق اپنا فیصلہ وفاقی حکومت کوبھجوادیا اور وفاقی حکومت کی منظوری کے بعد اضافے کا اطلاق ہوجائے گا۔
نیپرا کے مطابق اضافے سے ڈسکوز کے صارفین پر 159ارب روپے کا اضافی بوجھ پڑیگا، یہ اضافہ مالی سال 23-2022کی چوتھی سہ ماہی ایڈجسٹمنٹ کی مد میں کیاگیا۔
نیپرا کے مطابق بجلی صارفین کو 6ماہ میں اضافی ادائیگیاں کرنا ہوں گی، بجلی صارفین اکتوبر 2023تا مارچ 2024تک ادائیگیاں کریں گے۔
