دنیا کی کسی بھی زبان میں خبریں پڑھنے کے لیے یہاں کلک کریں۔
مہنگائی کے ستائے عوام کوایک اور جھٹکا، بجلی کی قیمت میں مزید اضافہ کر دیا گیا۔
نیپرا کی جانب سے جاری نوٹیفیکشن کے مطابق بجلی کی فی یونٹ قیمت میں 1 روپے 71 پیسے کا اضافہ کیا گیا ہے، قیمت میں اضافہ ماہانہ فیول ایڈجسٹمنٹ کی مد میں کیا گیا ۔
نوٹیفکیشن کے مطابق بجلی کی قیمتوں کے اضافے کا اطلاق رواں ماہ کے بلوں پر ہو گا، تاہم لائف لائن سمیت کے الیکٹرک کے صارفین پر اضافے کا اطلاق نہیں ہو گا۔
بجلی کی قیمت میں اضافے سے صارفین پر 22ارب روپے سے زائد کا اضافی بوجھ پڑے گا۔
حکومت کی منظوری کے بعد نیپرا نے بجلی کی قیمتوں میں مذید اضافہ کر دیا ہے۔
نیپرا نے سہ ماہی ایڈجسٹمنٹ کی مد میں فی یونٹ بجلی 3 روپے 28 پیسے مہنگی کرنے کی منظوری دی تھی۔جس کے بعد نیپرا نے فوری بجلی مہنگی کرنے کا نوٹیفکیشن جاری کردیا۔ نوٹیفکیشن کے مطابق بجلی صارفین کو 6 ماہ میں اضافی ادائیگیاں کرنا ہوں گی، بجلی صارفین اکتوبر 2023 تا مارچ 2024 تک ادائیگیاں کریں گے۔
سہ ماہی ایڈجسٹمنٹ میں اضافے کا اطلاق کے الیکڑک صارفین پر بھی ہو گا۔
