پاکستان کی معروف اداکارہ ماہرہ خان نے اپنے قریبی دوست سلیم کریم سے شادی کر لی ہے۔
اداکارہ کے مینیجر انوشے طلحہ کی جانب سے ماہرہ خان کی شادی کی تقریب کی ویڈیو سوشل میڈیا پر شیئر کی گئی جہاں وہ وائرل ہو گئی۔
ویڈیو میں دیکھا جا سکتا ہے کہ ماہرہ خان نے سفید رنگ کا لہنگا پہنا ہوا ہے جبکہ دلہا سلیم کریم شیروانی پہنے ہوئے ہیں۔
واضح رہے کہ ماہرہ خان نے اس سے قبل ثمینہ پیرزادہ کے ساتھ گفتگو کرتے ہوئے سلیم کریم کے ساتھ تعلق کی تصدیق کی تھی۔
سوشل میڈیا پر شادی کی تقریب کی ویڈیو وائرل ہونے پر ماہرہ خان کے چاہنے والوں نے ان کے لیے نیک خواہشات کا اظہار کیا ہے اور دعائیں دی ہیں۔ یاد رہے کہ یہ ماہرہ خان کی دوسری شادی ہے۔
