آئی سی سی ورلڈکپ میں افغانستان کے ہاتھوں پاکستان کی ہار پر سابق بھارتی آل راؤنڈر عرفان پٹھان کے بھنگڑے نے وکٹ کیپر بیٹر کامران اکمل کو بھی حیران کردیا۔

ایک ٹی وی پروگرام میں گفتگو کرتے ہوئے کامران اکمل نے کہا کہ افغانستان کے ہاتھوں پاکستان کی شکست پر سابق بھارتی کرکٹر عرفان پٹھان کے بھنگڑے دیکھ کر افسوس ہوا!، براڈ کاسٹر کو یہ بات یقینی بنانی چاہیے کہ گراؤنڈ میں ایسا عمل نہ ہو‘‘۔

انہوں نے کہا کہ گزشتہ سال جب بھارت نے پاکستان کو ٹی20 مقابلوں میں شکست دی تھی جب بھی ایسی خوشی دیکھنے کو نہیں ملی تھی، جتنی افغانستان کے خلاف ہار پر دیکھنے میں سامنے آئی ہے۔

واضح رہے کہ چنئی کے میدان پر عرفان پٹھان سمیت دیگر بھارتی افغانستان کے ہاتھوں پاکستان کی شکست پر خوشی سے نہال نظر آئے تھے، میچ کے بعد اسٹیڈیم میں افغان کرکٹر راشد خان کے ساتھ بھنگڑا ڈالنے پہنچ گئے تھے جس کی ویڈیو سوشل میڈیا پر وائرل ہوئی تھی۔

عرفان پٹھان ورلڈکپ میں آئی سی سی براڈ کاسٹر کے ہمراہ ہندی کمنٹری کے فرائض سرانجام دے رہے ہیں، کمنٹری باکس سے اٹھ کر بھنگڑے ڈالنے پر عرفان پٹھان کوپاکستانی شائقین کی جانب سے سخت تنقید کا نشانہ بنایا جارہاہے

۔