روزانہ چند انگور کھانے سے بینائی کم ہونے کے مسئلے پر قابو پانے میں بڑی مدد مل سکتی ہے۔
نیشنل یونیورسٹی آف سنگاپور کی ایک حالیہ تحقیق میں بتایا گیا کہ انگور کھانے کی عادت بینائی کے لیے فائدہ مند ثابت ہوتی ہے۔
اس تحقیق میں 34 بالغ افراد کو شامل کیا گیا تھا جن کو 2 گروپس میں تقسیم کیا گیا۔
ایک گروپ کو روزانہ ڈیڑھ کپ انگور کھلائے گئے جبکہ دیگر کو placebo کا استعمال کرایا گیا۔
16 ہفتوں تک یہ ٹرائل جاری رہا اور نتائج سے معلوم ہوا کہ انگور کھانے والے افراد کی بینائی کو فائدہ ہوا ہے۔
تحقیق میں بتایا گیا کہ انگور میں موجود اینٹی آکسائیڈنٹس سے آنکھوں کو نیلی روشنی سے پہنچنے والے نقصان سے بچنے میں مدد ملی۔
محققین نے بتایا کہ تحقیق میں ثابت ہوا ہے کہ انگور کھانا انسانی بینائی پر مثبت اثرات مرتب کرتا ہے۔
ان کا کہنا تھا کہ روزانہ 2 سے 3 انگور کھانے سے بھی بینائی کو طویل المعیاد بنیادوں پر ٹھیک رکھنے میں مدد مل سکتی ہے۔
اس تحقیق کے نتائج جرنل فوڈ اینڈ فنکشن میں شائع ہوئے۔