سلطنتِ عثمانیہ پر بننے والی شہرہ آفاق تاریخی ترک ڈرامہ سیریل کورولوش عثمان میں مرکزی کردار ادا کرنے والے تُرک اداکار براق اوزچیویت کا کراچی کے نجی شاپنگ مال میں والہانہ استقبال کیا گیا۔
سوشل میڈیا کے مختلف پلیٹ فارمز پر براق اوزچیویت کی شاپنگ سینٹر میں آمد کی ویڈیوز وائرل ہو رہی ہیں۔ اداکار کو دیکھنے کیلئے لوگوں کا سیلاب امڈ آیا ، ویڈیو میں اداکار کیلئے کراچی والوں کا والہانہ استقبال دیکھا جا سکتا ہے جبکہ اداکار کی جانب سے بھی عوام کی والہانہ محبت پر ہاتھ ہلا کر ان کا شکریہ ادا کرتے دیکھا گیا۔
واضح رہے کہ کچھ عرصہ قبل براق اوزچیویت نے انسٹا اسٹوری شیئر کرتے ہوئے پاکستان آمد سے متعلق گاہ کیا تھا، بتایا جا رہا ہے کہ اداکار نجی برانڈ کے پرفیوم کے سفیر کے طور پر پاکستان آئے ہیں۔
