بھارتی ریاست تلگانہ میں پولیس نے رات تقریباً ساڑھے دس بجے ایک مشکوک ٹرک کو روکا، جب ٹرک کو چیک کیا تو اہلکاروں کی آنکھیں پھٹی کی پھٹی اور منہ کھلے کے کھلے رہ گئے، کیونکہ ٹرک میں 750 کروڑ روپے (ساڑھے سات ارب) کی نقد رقم موجود تھی۔
الیکشن سے پہلے ساڑھے 700 کروڑ روپے کی اتنی بڑی رقم برآمد ہونے پر ہنگامہ مچ گیا۔
بھارتی ریاست تلنگانہ میں اسمبلی انتخابات کی تاریخ طے ہونے کے بعد الیکشن کمیشن کے ساتھ ریاستی پولیس بھی چوکس ہے اور اسی لئے آنے جانے والے ہر ٹرک کی تلاشی لی جا رہی ہے۔
بھارتی ذرائع ابلاغ کے مطابق جس سڑک سے یہ ٹرک گزر رہا تھا اسے عام طور پر سمگلرز استعمال کرتے ہیں، اسی لئے وہاں ناکہ بندی کی گئی تھی۔ اور اسی ناکہ بندی کے دوران 750 کروڑ بھارتی روپے (تقریباً 25 ارب پاکستانی روہے) برآمد ہوئے۔تاہم، چند گھنٹوں کے بعد یہ کہہ کر معاملہ ختم کر دیا گیا کہ یہ رقم یونین بینک آف انڈیا کی تھی، اور اسے کیرالہ سے حیدرآباد منتقل کیا جا رہا تھا۔