برطانیہ کی یونیورسٹی آف ایکسیٹر نے آئندہ برس سے جادو ٹونے میں پوسٹ گریجویٹ ڈگری کرانے کا اعلان کر دیا ہے۔

یونیورسٹی آف ایکسیٹر نے کہا ہے کہ اس پروگرام کا آغاز ستمبر 2024 میں ہو جائے گا، اس کورس میں جادو کی تاریخ کا جائزہ لینے کے ساتھ ساتھ مختلف تجزیے کیے جائیں گے۔

اس ڈگری میں داخلہ لینے والے طلبہ ادب، فلسفہ، آثارِ قدیمہ، عمرانیات، نفسیات، ڈرامہ اور مذہب کا جادو کے حوالے سے تجزیہ کر سکیں گے۔

پروفیسر ایمیلی سیلوو اس نئے کورس کی رہنمائی کر رہی ہیں، وہ لکھتی ہیں کہ جادو ٹونے میں دلچسپی میں اضافے کی بنیاد معاشرے سے متعلق اٹھنے والے سوالات میں پائی جاتی ہے۔

انہوں نے کہاکہ اس پروگرام میں جادو ٹونے سے متعلق مکمل جائزہ لیا جائے گا۔