معروف بھارتی شاعر اور نغمہ نگار جاوید اختر کومذہب کے حوالے سے متنازعہ بیان کے بعد شدید تنقید کا سامنا ہے ۔
جاوید اختر نے ایک حالیہ انٹرویو کے دوران اپنے خاندان، اولاد کی تربیت اور پوتیوں کے مذہب سمیت مختلف موضوعات پرکھل کر بات کی ۔
جاوید اختر نے کہا کہ ’’میری بیٹی زویا اختر اور بیٹا فرحان اختر مذہبی طور پر ملحد ہیں، وہ میری طرح سیکولرازم کے راستے پر چل رہے ہیں اور مجھے اس وجہ سے اپنی اولاد پر بہت فخر ہے‘‘۔
جاوید اختر کا کہنا تھا کہ میرے بیٹے اور بیٹی نے اس خاندانی ورثے کو مزید آگے بڑھاتے ہوئے یہی روایت اپنے بچوں تک بھی برقرار رکھی ہوئی ہے۔
اُنہوں نے مزید کہا کہ ’’میری دونوں پوتیوں کی شناختی دستاویزات میں مذہب کے کالم میں واضح لکھا ہے کہ ہم پر کسی مذہب کا’اطلاق نہیں ہوتا‘
جاوید اخترکے اس بیان کے بعد بھارت سمیت دنیا بھر کے مسلمان اُنہیں شدید تنقید کا نشانہ بنا رہے ہیں۔
