دنیا کی کسی بھی زبان میں خبریں پڑھنے کے لیے یہاں کلک کریں۔
پاکستانی ٹیم کو ورلڈکپ میں جنوبی افریقہ سے شکست کے ساتھ ساتھ جرمانہ بھی کردیا گیا۔
جنوبی افریقہ نے ورلڈ کپ کے انتہائی اہم میچ میں سنسنی خیز مقابلے کے بعد پاکستان کو ایک وکٹ سے شکست دے دی تھی ۔
جنوبی افریقہ سے شکست کے بعد پاکستانی ٹیم کو جرمانہ کیا گیا ہے جسے بابر اعظم نے قبول کرلیا ہے۔
پاکستان ٹیم پرسلو اوور ریٹ پر میچ فیس کا20 فیصد جرمانہ عائد کیا گیا ہے۔
پاکستانی ٹیم مقررہ وقت میں 4 اوورز پیچھے تھی اور آئی سی سی رولز کے مطابق ہر اوور پر 5 فیصد میچ فیس کی کٹوتی ہوتی ہے۔
امریکی عدالت نے سابق صدرڈونلڈ ٹرمپ کوایک بار پھر جرمانہ کردیا ۔
نیویارک کی سپریم کورٹ میں سول فراڈ کے مقدمے کی سماعت کے دوران جج آرتھر ایف اینگورون نے دوسری بار عدالتی حکم کی خلاف ورزی پر سابق صدر ڈونلڈ ٹرمپ پر 10 ہزار ڈالرجرمانہ عائد کیا۔
ڈونلڈ ٹرمپ پر یہ جرمانہ 3 اکتوبر کے اس حکم نامے کی خلاف ورزی پرکیا گیاجس میں ٹرمپ نے جج کے اعلیٰ کلرک کی تصویر سوشل میڈیا پر شیئر کی تھی جس میں امریکی سینیٹ کے اکثریتی رہنما شومر کی “گرل فرینڈ” کہا تھا۔
سابق صدر ڈونلڈ ٹرمپ نے صحافیوں سے گفتگو میں کہا تھا کہ یہ جج انتہائی متعصب ہے۔ اس کے ساتھ ایک ایسا شخص بھی بیٹھا ہوا ہے جو جج سے بھی زیادہ متعصب ہے۔
جرمانے سے قبل گواہ کے طور پر اپنی مختصر پیشی میں ڈونلڈ ٹرمپ نے جج اینگورون کو مطلع کیا کہ انہوں نے اپنے بیان میں “آپ کا اور کوہن” کا حوالہ ضرور دیا تھا لیکن متعصب صرف کوہن کو کہا تھا۔
جج نے ڈونلڈ ٹرمپ کے مؤقف کو مسترد کرتے ہوئے کہ آپ دوبارہ اس قسم کی حرکت نہ کریں تو بہتر ہوگا ورنہ آپ کے حق میں اچھا نہیں ہوگا۔
اس سے قبل 20 اکتوبر کوعدالت کے اعلیٰ کلرک پر تنقید کرنے والی پوسٹ کو سوشل میڈیا سے نہ ہٹانے پرڈونلڈ ٹرمپ کو 5 ہزار ڈالر جرمانہ کیا گیا تھا۔
