اسلام آباد: صدر مملکت ڈاکٹر عارف علوی نے سندھ ہائیکورٹ کے سینئرترین جج ، جسٹس عرفان سعادت خان کوقائمقام چیف جسٹس سندھ ہائیکورٹ تعینات کرنے کی منظوری دے دی ۔
صدر مملکت نے تعیناتی کی منظوری آئین کے آرٹیکل 196 کے تحت دی۔سندھ ہائی کورٹ کے موجودہ چیف جسٹس جسٹس احمد علی ایم شيخ 2 اکتوبرکو عہدے سے ریٹائر ہو جائیں گے۔
جسٹس سعادت خان نے 10 ستمبر1989 میں ماتحت عدلیہ میں وکالت شروع کی انہیں اکتوبر1991 میں ہائیکورٹ میں وکالت کالائسنس ملا جبکہ اکتوبر2008 میں سپریم کورٹ کے وکیل کے طورپر ان کی انرولمنٹ ہوئی۔