پاکستان کی معروف اداکارہ میرا کو اپنے لیے جیون ساتھی کی تلاش ہے اور اس کے لیے انہوں نے اللہ کی بارگاہ میں دعا کی ہے۔

سماجی رابطے کی ویب سائٹ انسٹا گرام پر اپنی ایک پوسٹ میں اداکارہ میرا نے لکھا کہ میں اس وقت زندگی کے مشکل ترین دور سے گزر رہی ہوں۔

میرا نے کہا کہ میری والدہ بیمار ہیں اور حال ہی میں ان کی سرجری ہوئی ہے جبکہ میری بہن کو کینسر کی تشخیص ہوئی ہے۔

انہوں نے دعا کی کہ اللہ میرے لیے کوئی ایسا جیون ساتھی بھیج دے جس کے ساتھ میں اپنے دکھ درد اور خوشیاں بانٹ سکوں۔