اسلام آباد: وفاقی دارالحکومت کی ضلعی عدالتیں تو ایف ایٹ سے سیکٹر جی الیون جوڈیشل کمپلیکس منتقل ہو گئیں مگر وکلا کے سینکڑوں چیمبر تا حال ایف ایٹ میں موجود ہیں ۔
ادراک ڈاٹ پی کے سے خصوصی گفتگو کرتے ہوئے وکلا نے بتایا کہ ایف ایٹ کچری اسلام آباد 1982 میں قائم ہوئی تھی اور سال 2023 میں جی الیون جوڈیشل کمپلیکس منتقل کردی گئی ۔ وکلا کا کہنا تھا کہ یہ فیصلہ جلد بازی میں کیا گیا جس کے باعث وکلا اور عوام کو شدید مشکلات کا سامنا ہے۔ جی الیون میں تا حال وکلا کے چیمبر ہی نہیں بنائے گئے جس کی وجہ سے بہت سارے وکلا ابھی تک ایف ایٹ کچری میں اپنے پرانے چیمبرز میں موجود ہیں جنہیں عدالت آنے جانے میں شدید مشکلات کا سامنا ہے ۔ وکلا کا کہنا تھا کہ مشکلات کی وجہ سے بہت سارے وکلا تو یہاں سے وکالت چھوڑ کر اپنے اپنے علاقوں میں چلے گئے ہیں