غزہ پر بمباری کی مذمت کرنے والی امریکی سپر ماڈل جی جی حدید پر اسرائیلی حکومت نے تنقید کرتے ہوئے ان کی مذمت کو منافقانہ قرار دیتے ہوئے کہا ہے کہ اگر وہ یہودیوں کے قتل کی مذمت نہیں کرتیں تو ان کے الفاظ کے کوئی معنی نہیں۔

The official state of Israel government Instagram account calls out Gigi Hadid for condemning the Israeli government:

“Have you been sleeping the past week? Or are you just fine turning a blind eye to Jewish babies being butchered in their homes? Your silence has been very clear… pic.twitter.com/6xZuQYTNAx

— Pop Tingz (@ThePopTingz) October 16, 2023

جی جی حدید نے اسرائیل اور فلسطین میں عام انسانوں اور بچوں کے قتل کی مذمت کی تھی۔اسرائیلی حکومت کے انسٹاگرام پر پوسٹ کی گئی اور جی جی حدید کو مخاطب کرتے ہوئے ان سے پوچھا گیا کہ کیا وہ گزشتہ ہفتے سکون سے اپنے گھر میں سوئی ہوئی تھیں؟
ساتھ ہی اسرائیلی حکومت کی جانب سے ان سے سوال کیا گیا کہ یا پھر سپر ماڈل نے اسرائیل میں یہودی بچوں کے قتل پر آنکھیں بند کر دی تھیں؟
حکومت کی جانب سے ماڈل کو مخاطب ہوتے ہوئے لکھا گیا کہ ان کے الفاظ اور ان کی مذمت واضح طور پر پیغام دے رہی ہے کہ وہ کس جانب کھڑی ہیں اور ساتھ ہی دھمکی دی گئی کہ ’اسرائیلی حکومت انہیں دیکھ رہی ہے۔

فلسطینیوں کی کھلے عام حمایت کرنے والی امریکی ماڈل جی جی حدید نے فلسطین اور اسرائیل کی حالیہ جھڑپوں پر میانہ روی اختیارکرتے ہوئے بیان جاری کردیا ۔
سُپر ماڈل جی جی حدید نےانسٹاگرام پر ایک بیان جاری کرتے ہوئے کہا کہ میں ان تمام لوگوں کے بارے میں سوچ رہی ہوں جو اس خوفناک سانحے سے متاثر ہوئے ہیں، اس تنازع کی وجہ سے روزانہ قیمتیں ضائع ہو رہی ہیں، جن میں سے زیادہ تر بچے شامل ہیں۔
انہوں نے کہا کہ مجھے فلسطینیوں کی جدوجہد اور قبضے کے تحت زندگی پر گہری ہمدردی ہے اور میں دل شکستہ ہوں، یہ ایک ذمہ داری ہے جسے میں روزانہ نبھاتی ہوں۔سپر ماڈل نے مزید کہا کہ اس کے ساتھ ساتھ یہ واضح کر دوں کہ اپنے یہودی دوستوں کے لیے بھی ذمہ داری محسوس کرتی ہوں جیسا کہ میں نے پہلے کیا ہے، اگرچہ میں فلسطینیوں کے لیے امیدیں اور خواب رکھتی ہوں، لیکن اس کے لیے میں کسی بھی یہودی شخص کا نقصان نہیں چاہتی۔
جی جی حدید نے کہا کہ جن معصوم فلسطینیوں اور یہودیوں کے پیارے اور عزیز اس تنازع کا شکار ہوئے ہیں، میں ان تمام لوگوں سے گہری تعزیت کا اظہار کرتی ہیں، ہر شخص میں مختلف جذبات ہو سکتے ہیں، لیکن یہ یاد رکھنا ضروری ہے کہ ہر انسان کو بنیادی حقوق، منصفانہ سلوک اور تحفظ تک رسائی حاصل ہونی چاہیے، چاہے وہ اس کا تعلق کسی بھی قوم، مذہب یا نسل سے ہو۔
انہوں نے آخر میں کہا کہ میں جانتی ہوں کہ میرے الفاظ بہت سے لوگوں کے گہرے زخموں پر مرہم لگانے کے متبادل نہیں ہوسکتے لیکن میں ہمیشہ معصوم جانوں کی حفاظت کے لیے دعا گو ہوں۔