اسلام آ باد ( مانیٹرنگ ڈیسک )وزارت مذہبی امور کی خصوصی کمیٹی نے عازمین حج کی شکایات کا نوٹس لیتے ہوئے8پرائیویٹ حج کمپنیوں کو مستقل طور پر بلیک لسٹ کرنے ‘46کمپنیوں کو ایک سال کیلئے معطل کرنے ‘37کمپنیوں کو2سال اور ایک کمپنی کو تین سال کیلئے معطل کرنے کی سفارش کی ہے۔

موقر قومی اخبار کی رپورٹ کے مطابق ذ رائع  کا کہنا ہے 23نجی حج کمپنیوں کو جر مانہ کیا گیا ہے۔47کمپنیوں کی پر فارمنس گارنٹی ضبط کرنے کی سفارش کی گئی ہے۔

چھ کمپنیوں کو ابزرویشن میں رکھنے کی سفارش کی گئی ہے۔تین کمپنیوں کا حج کوٹہ کم کرنے کی سزا تجویز کی گئی ہے۔

ذ رائع کے مطابق وزارت مذہبی امو ر نے حج 2023میں نجی حج سکیم کے تحت جانے والے حجاج سے شکایات مانگی تھیں۔

بہت سے حجاج نے وزارت کے پاس ان حج کمپنیوں کے خلاف شکایات جمع کرائیں جن کے ساتھ وہ حج کیلئے گئے تھے۔