حماس کے ترجمان خالد قدومی نے کہا ہےکہ جب تک مسجد اقصیٰ کی بے حرمتی ختم ہونے اور ہمارے مطالبات تسلیم ہونے تک اسرائیل کیساتھ معاہدہ نہیں ہو سکتا۔

حماس کے ترجمان نے ایک بیان میں کہا کہ عالمی برادری نے اسرائیلی مظالم کے خلاف ہمارا ساتھ نہیں دیا، دنیا اب ہوش میں آئی ہے جب اسرائیل کا نقصان ہو گیا۔

انہوں نے مزید کہا کہ ہم اپنی آزادی کے لیے جدوجہد کر رہے ہیں اور ہم نے اسرائیل کے جرائم سے دنیا کو آگاہ کرنا ہے، القسام بریگیڈ کے مطابق سیکڑوں اسرائیلی فوجی حراست میں ہیں۔ معاہدہ کرنا ہوتا تو ہم 70 سال میں پہلے ہی کر لیتے، جب تک مسجد اقصیٰ کی بے حرمتی ختم نہ ہوجائے اور جب تک اسرائیل ہمارے مطالبات تسلیم نہیں کرتا، کیسے معاہدہ ہوسکتا ہے؟

ترجمان نے کہا کہ مقبوضہ علاقوں میں 22 مقامات پر جدوجہد کر  رہے ہیں ، ابھی قید اسرائیلیوں کی تعداد نہیں بتا سکتے۔