برطانیہ سے تعلق رکھنے والی خاتون نے ہمسفر نہ ملنے پر خود سے ہی شادی رچا لی۔
برطانوی خبر رساں ادارے(بی بی سی) کے مطابق یہ دلچسپ اور عجیب و غریب شادی برطانیہ کے علاقے فیلکسٹو کی رہائشی سارا ولکنسن نامی خاتون نے کی ہے۔
بتایا جارہا ہے کہ خاتون کی عمر 42 سال ہے جو بہترین ہمسفر کی تلاش میں تھیں لیکن کوئی پرفیکٹ میچ نہ ملنے پر انہوں نے خود سے ہی شادی کرنے کا فیصلہ کیا۔
میڈیا رپورٹس کے مطابق خاتون 20 سال سے اپنی شادی کیلئے پیسے جمع کررہی تھیں لیکن بدقسمتی سے انہیں کوئی دلہا نہیں ملا جس کے بعد انہوں نے اپنی شادی کیلئے جمع کیے گئے پیسوں سے ہی کرلی۔خاتون نے شادی دھوم دھام سے کی جس میں ان کے دوست احباب بھی شریک ہوئے جب کہ خاتون نے اپنے لیے شادی کی انگوٹھی بھی خریدی اور خود ہی پہن لی۔
بی بی سی کو انٹرویو دیتے ہوئے خاتون نے بتایا کہ یہ ان کی زندگی کا خوبصورت دن تھا اور وہ تقریب میں توجہ کی خاص وجہ رہیں۔
خاتون نے مزید کہا کہ میرا لائف پاٹنر نہیں ہے تو کیا ہوا میں اس خوشی کے موقع کو ضائع کیوں کروں۔
رپورٹس کے مطابق خاتون کی شادی میں 40 کے قریب مہمان تھے، شادی کی تمام رسومات کو بھی ادا کیا گیا اور شادی پر خاتون کی جانب سے 10 ہزار پاؤنڈ کا خرچہ کیا گیا۔