دنیا کی کسی بھی زبان میں خبریں پڑھنے کے لیے یہاں کلک کریں۔
ملک بھر میں بجلی چوروں کے خلاف کریک ڈائون کا سلسلہ جاری ہے اور اب پاور ڈویژن نے انکشاف کیا ہے کہ مالی سال 23-2022 کے دوران خیبر پختونخوا میں 137 ارب روپے کی بجلی چوری ہوئی ہے۔
سیکریٹری پاور ڈویژن راشد لنگڑیال نے کہا ہے کہ بجلی چوروں کے خلاف جاری مہم کے اچھے نتائج آ رہے ہیں، اور بلنگ میں بہتری آنے لگی ہے۔
سیکریٹری پاورڈویژن کے مطابق نادہندگان سے وصولیوں میں اضافہ ہو رہا ہے جبکہ چوری میں بھی کمی واقع ہوئی ہے، ستمبر 2023 میں ہونے والی وصولیاں 86.99 فیصد رہی ہیں۔
محکمہ انسداد دہشت گردی خیبرپختونخوا (سی ٹی ڈی) کی جانب سے مطلوب دہشتگردوں کی تیسری فہرست جاری کر دی گئی ہے۔
سی ٹی ڈی کی جانب سے جاری اعلامیے کے مطابق جاری کی گئی فہرست میں 128 دہشتگردوں کے نام اور تصویریں شامل ہیں۔
جاری کی گئی فہرست میں شامل دہشتگردوں کا تعلق بنوں، لکی مروت، مردان اور دیگر اضلاع سے ہے جن کے سروں کی قیمتیں 3 لاکھ روپے سے 70 لاکھ روپے تک مقرر کی گئی ہیں۔
سی ٹی ڈی کی جانب سے دہشتگردوں کے سروں کی لگائی گئی مجموعی قیمت 10 کروڑ روپے سے زیادہ ہے۔ سب سے زیادہ قیمت دہشت گرد ظاہر قادر کے سر کی 70 لاکھ روپے لگائی گئی ہے۔
اس کے علاوہ دہشت گرد حبیب الحق کے سر قیمت 60 لاکھ روپے مقرر کی گئی ہے۔
جاری کی گئی فہرست کے مطابق دہشتگرد عجب شاہ کے سر کی قیمت 55 لاکھ روپے، حبیب اللہ، شاکراللہ، سیدالاکبر اور نور قیوم کے سروں کی قیمت 50، 50 لاکھ روپے مقرر کی گئی ہے۔
اس کے علاوہ دہشت گرد کامران، عمر اور اسماعیل کے سروں کی قیمتیں بھی 50 ،50 لاکھ روپے مقرر کی گئی ہیں۔
فہرست میں شامل دہشت گرد کفایت اللہ کے سر کی قیمت 55 لاکھ اور نذیر شاہ کے سر کی قیمت 53 لاکھ روپے لگائی گئی ہے۔ جبکہ دہشتگرد کمانڈر مولوی نعمت اللّٰہ اور کامران کے سروں کی قیمت 40، 40 لاکھ روپے مقرر ہیں۔
پشاور: خیبرپختونخوا کے سیاحتی مقامات پر گزشتہ سال کی مقابلے میں رواں سال سیاحوں کی تعداد میں ریکارڈ اضافہ ہوا ہے۔
خیبرپختونخوا ٹورازم اتھارٹی نے رواں سیزن کے دوران ملک کے دیگر شہروں سے خیبرپختونخوا آنے والے سیاحوں کی تعداد کے حوالے سے اعداد وشمار جاری کیے ہیں جن کے مطابق جنوری سے ستمبر تک ایک کروڑ 11 لاکھ 20 ہزار 535 سیاحوں نے خیبر پختونخوا کے تفریحی علاقوں کا رْخ کیا جن میں سے بڑی تعداد نے کاغان اور ناران کے پرفضا اور فطری خوبصورتی سے مالامال مقامات کا رْخ کیا جن کی تعداد 35 لاکھ 31 ہزار 976 رہی۔
سیاحت کے تناظر میں دوسرے نمبر پر گلیات سیاحوں کی توجہ کا مرکز بنا رہا جہاں 34 لاکھ 71 ہزار 788 سیاح سیر سپاٹے کیلئے آئے۔ رواں برس کے ابتدائی نو ماہ کے دوران 26 لاکھ 94 ہزار 936 سیاحوں نے مالم جبہ کی سیاحت کی۔ اسی طرح 9 لاکھ 57 ہزار 743 سیاح اپَر دیر جبکہ 4 لاکھ 64 ہزار 383 سیاحوں نے ضلع چترال کی سیاحت کی۔
خیبرپختونخوا ٹورازم اتھارٹی کے مطابق رواں سال 3 ہزار 369 غیر ملکی سیاحوں نے پاکستان کا رْخ کیا جن کی ایک بڑی تعدادچترال گئی اور مجموعی طور پ رایک ہزار 265 سیاحوں نے چترال کا رْخ کیا جبکہ اپر چترال میں 641 ، ناران 587 ، مالم جبہ 386 اور اپر دیر میں 282 غیرملکی سیاح گئے۔
محکمہ سیاحت کے حکام کے مطابق سیاحت کے فروغ کے لئے صوبے میں خصوصی اقدامات کئے گئے ہیں جن میں نئے مقامات کا متعارف کرانا بھی شامل ہے۔ محکمہ سیاحت کے مطابق اپنے تو سیر کرنے آتے ہی تھے اب تو غیرملکی سیاحوں کی تعداد میں بھی مسلسل اضافہ ہورہا ہے جو ایک اچھا شگون ہے۔
خیبرپختونخوا کے محکمہ انسداد دہشت گردی (سی ٹی ڈی) نے انتہائی مطلوب دہشتگردوں کی دوسری فہرست جاری کر دی ہے اور دہشت گردوں کے سروں کی قیمتیں مقرر کی گئی ہیں۔
کائونٹر ٹیرارزم ڈیپارٹمنٹ (سی ٹی ڈی) کی جانب سے جاری کی گئی فہرست میں 30 دہشت گردوں کے نام شامل ہیں جن کی تصاویر بھی جاری کی گئی ہیں۔
انتہائی مطلوب 30 دہشتگردوں کا تعلق بنوں، لکی مروت، ڈی آئی خان اور دیگر اضلاع سے ہے۔
محکمہ انسداد دہشتگردی کی جانب سے جاری کی گئی فہرست میں بنوں اور لکی مروت کے 13، 13 دہشتگرد شامل ہیں۔ ان کے سروں کی قیمتیں 3 لاکھ سے 50 لاکھ روپے تک مقرر کی گئی ہیں۔
سی ٹی ڈی نے بتایا ہے کہ لکی مروت کے دہشتگرد حبیب اللہ کے سر کی قیمت 50 لاکھ روپے جبکہ بنوں کے دہشتگرد مولوی نعمت اللہ کے سر کے قیمت 40 لاکھ روپے لگائی گئی ہے۔
