سابق کرکٹر دانش کنیریا نے سابق کپتان شاہد آفریدی سمیت کئی کرکٹرز پر الزامات کی بارش کردی۔
تفصیلات کے مطابق بھارتی نیوز چینل کو انٹرویو دیتے ہوئے سپاٹ فکسنگ میں ملوث دانش کنیریا نے الزام عائد کیا کہ ’’سابق کپتان شاہد آفریدی سمیت کئی کرکٹرز میرے ساتھ کھانا تک نہیں کھاتے تھے‘‘۔
شعیب اختر اور انضمام الحق کو اپنا بہترین دوست قرار دیتے ہوئے اعتراف کیا کہ وہ میرا ساتھ دیتے تھے۔
دانش کنیریا نے پی سی بی پر بھی الزام تراشی کرتے ہوئے کہا کہ ’’میرے کاؤنٹی کیرئیر کے دوران اسپاٹ فکسنگ کا الزام لگایا گیا تھا، جس کا میں نے اعتراف کیا کہ میں صرف ایک بکی سے ملا تھا لیکن انہوں نے مجھ پر الزامات قبول کرنے کے لیے دباؤ ڈالا۔
بورڈ سمیت کئی کرکٹرز خوفزدہ تھا کہ اگر میں کھیلتا رہا تو میں انکے ریکارڈ توڑ دوں گا۔یاد رہے کہ دانش کنیریا پاکستانی ٹیم مخالف بیانات دینے کیلئے مشہور ہیں ۔
