پاکستان اور افغانستان کی سرحد کے قریب ضلع ژوب کے علاقے سمبازہ میں سیکیورٹی فورسز اور دہشتگردوں کے درمیان فائرنگ کا تبادلہ ہوا ہے۔ سیکیورٹی فورسز نے 3 دہشتگردوں کو ہلاک کر دیا ہے جبکہ اس دوران 4 جوان بھی شہید ہو گئے ہیں۔

پاک فوج کے شعبہ تعلقات عامہ (آئی ایس پی آر) نے بتایا ہے کہ 28 ستمبر کو سیکیورٹی فورسز کے جوانوں نے پاک افغان سرحد کے قریب کالعدم تحریک طالبان پاکستان (ٹی ٹی پی) کے دہشت گردوں کی افغانستان سے پاکستان میں دراندازی کی کوشش ناکام بنائی ہے۔

آئی ایس پی آر کے مطابق آپریشن کے دوران حوالدار ستار، لانس نائیک شیر اعظم، لانس نائیک عدنان اور سپاہی ندیم نے جام شہادت نوش کیا ہے۔

فائرنگ کے تبادلے میں 3 دہشتگرد ہلاک جبکہ متعدد زخمی بھی ہوئے ہیں۔

ترجمان آئی ایس پی آر نے کہاکہ سیکیورٹی فورسز دشمنوں کی کارروائیوں کو ناکام بناتی رہیں گی۔