ملک بھر میں جشن عید میلادالنبی ﷺ آج نہایت عقیدت و احترام کے ساتھ منایا جا رہا ہے۔
آقا دوجہاں ﷺ کی ولادت کے دن کے موقع پر عمارتوں پر چراغاں کیا گیا ہے، اس کے علاوہ فضائیں درود و سلام سے معطر ہیں۔
دن کا آغاز مساجد میں درود پاک کی محفلوں سے ہوا، اب جگہ جگہ مختلف محفلوں کا اہتمام ہو گا جہاں علمائے کرام سیرت النبی ﷺ پر گفتگو فرمائیں گے۔ اس کے علاوہ نعت خوانی اور درود پاک کی محفلیں بھی ہوں گی
جشن عید میلادالنبی ﷺ کے موقع پر مختلف جگہوں پر میلاد کی ریلیاں بھی نکالی جائیں گی۔ اس موقع پر سیکیورٹی کے بھی انتظامات کیے گئے ہیں۔
ملک بھر میں آج عام تعطیل کا اعلان کیا گیا ہے۔ جبکہ صدر مملکت عارف علوی، نگراں وزیراعظم انوارالحق کاکڑ اور دیگر نے اپنے اپنے پیغامات بھی دیئے ہیں۔
مختلف شخصیات کی جانب سے دیئے گئے پیغامات میں کہا گیا ہے کہ ہمیں نبی کریم ﷺ کی تعلیمات پر عمل کرنا ہوگا، اسی میں ہماری کامیابی ہے۔
