پاکستان نے دورہ بنگلا دیش کے لئے قومی ویمنز کرکٹ ٹیم کا اعلان کردیا۔
ندا ڈار کی قیادت میں پاکستانی خواتین کرکٹ ٹیم رواں ماہ بنگلا دیش کا دورہ کرے گی، پندرہ رکنی ٹیم کا اعلان سلیکشن کمیٹی کے سربراہ سلیم جعفر نے کیا۔
پاکستانی ٹیم 20 اکتوبر کو بنگلا دیش روانہ ہوگی جس میں وہ محدود اوورز کے چھ میچ کھیلے گی جن میں آئی سی سی چیمپئن شپ کے تین ون ڈے انٹرنیشنل بھی شامل ہیں۔
ان میچوں کے شیڈول کا اعلان بنگلا دیش کرکٹ بورڈ کرے گا۔
15 رکنی ٹیم میں ارم جاوید کی ایک سال بعد واپسی ہوئی ہے۔ شوال ذوالفقار اور سیدہ عروب شاہ کو ڈراپ کردیا گیا ہے۔ فاطمہ ثنا کو زخمی ہونے کی وجہ سے شامل نہیں کیاگیا وہ جنوبی افریقا کے خلاف دوسرے ون ڈے انٹرنیشنل میں زخمی ہوگئی تھیں۔
قومی ویمن ٹیم میں ندا ڈار ( کپتان )، عالیہ ریاض، بسمہ معروف، ڈیانا بیگ ، غلام فاطمہ ، ارم جاوید، منیبہ علی ( وکٹ کیپر )، نجیہہ علوی ( وکٹ کیپر )، نشرہ سندھو، نتالیہ پرویز، صدف شمس، سعدیہ اقبال، سدرہ امین ، ام ہانی اور وحیدہ اخترشامل ہیں جبکہ امبر کائنات، عمیمہ سہیل، سدرہ نواز ( وکٹ کیپر ) کوریزرو کھلاڑیوں میں رکھاگیا ہے۔