لاہور(مانیٹرنگ ڈیسک)روپے کے مقابلے میں ڈالر کی قدر میں ریکارڈ کمی اور توانائی کی قیمتوں میں مسلسل اضافے کے باعث روئی اور پھٹی کی قیمتوں میں ریکارڈ کمی ہوئی ہے ۔

میڈیا رپورٹس کے مطابق پوری کاٹن انڈسٹری تاریخ کے بد ترین معاشی بحران کا شکار ہے،کاشتکاروں میں تشویش کی لہر دوڑ گئی ہے،جی ایس پی پلس اسٹیٹس میں چار سالہ توسیع کے باعث کاٹن مارکیٹ میں قدرے ٹھراؤ ہے۔

چیئرمین کاٹن جنرز فورم احسان الحق نے بتایا کہ مذکورہ وجوہات کی بناء پر گزشتہ ہفتے پاکستان میں روئی کی قیمتیں ایک ہزار500روپے فی من مندے کے بعد17ہزار روپے من تک گر گئیں جبکہ پھٹی کی قیمتیں ایک ہزار روپے مندے کے بعد7ہزار 500روپے فی چالیس کلو گرام تک گر گئی۔

یورپی یونین کی جانب سے جی ایس پہ پلس اسٹیٹس میںچار سال تک مزید توسیع کے فیصلے نے پاکستانی کاٹن مارکیٹ میں ٹھراؤ پیدا کیا اور روئی کی قیمتیں جو قبل ازیں17ہزار روپے من سے بھی نیچے گر گئی تھیں اب دوبارہ مضبوط ہو گئی ہیں۔

روئی اور پھٹی قیمتوں میں استحکام لانے کے لئے وفاقی حکومت نے ٹی سی پی کو ہدایات جاری کی ہیں کہ وہ فوری طور پر کاٹن جنرز سے روئی کی خریداری شروع کرےجبکہ کاٹن کراپ اسسمنٹ کمیٹی کا جلاس بلا کر نیا پیداواری ہدف مختص کیا جانا چاہیئے۔