اسلام آباد(آئی این پی) پاکستان ایکسپریس میں مسافر نے سیٹ کے جھگڑے پر دوسرے مسافر کو قتل کردیا جس کی لاش کو فیصل آباد ریلوے سٹیشن پر پاکستان ایکسپریس سے اتارا گیا جبکہ مبینہ قاتل فرار ہونے میں کامیاب ہوگیا۔

قاتل کی فیملی کو پولیس نے تحویل میں لینے کے بعد چھوڑدیا، اور مرکزی ملزم کی گرفتاری کے لیے ریلوے پولیس چھاپے ماررہی ہے ۔

خبر رساں ادارے کے مطابق یکم اکتوبربروز اتوار راولپنڈی سے کراچی جانے والی پاکستان ایکسپریس میں یہ واقعہ ہوا۔ جس کو ریلوے نے بھرپور چھپانے کی کوشش کی۔ ٹرین 46DN پاکستان ایکسپریس کا ایک مسافر نام ثنا اللہ ولد شیر محمد عمر قریب 50/55 سال جوکہ اپنی فیملی کے ہمراہ ریلوے اسٹیشن علی پور سے فیصل آباد تک سفرکررہا تھا۔

ٹرین جب ریلوے اسٹیشن سانگلہ ہل پہنچی تو ایک مسافر نام ندیم ولد محمد بوٹا فیملی کے ہمراہ سانگلہ ہل سے حیدر آباد کے لیے ٹرین کی بوگی نمبر 16 اکانومی کلاس میں سوار ہوا۔

دونوں مسافروں کی رواں ٹرین میں سیٹ کی بکنگ کیوجہ سے تو تکار ہوئی اس دوران ایک نے دوسرے کو قتل کر دیا۔