قومی کرکٹ ٹیم کے سابق کپتان وقار یونس نے پاکستان اور آسٹریلیا کے درمیان ہونے والے میچ کے دوران دلچسپ گفتگو کی ہے جس نے ایک بار تو سب کو حیران کر دیا۔

وقار یونس نے پاکستان اور آسٹریلیا کے درمیان ہونے والے میچ کے دوران مزاحیہ انداز میں تبصرہ کیا ہے۔

وقار یونس نے سابق آسٹریلوی کرکٹر شین واٹسن اور سابق کپتان ایرون فنچ کے ساتھ گفتگو کی۔

وقار یونس نے کہا کہ مجھے صرف پاکستانی کیوں کہہ رہے ہو میں آدھا آسٹریلین بھی تو ہوں۔

یاد رہے کہ وقار یونس کی اہلیہ ڈاکٹر فریال آسٹریلین شہری ہیں، وقار یونس سڈنی میں ان کے ساتھ ہی مقیم ہیں۔

وقار یونس کی یہ گفتگو سوشل میڈیا پر وائرل ہو رہی ہے جہاں صارفین کی جانب سے دلچسپ تبصرے کیے جا رہے ہیں۔

قومی کرکٹ ٹیم کے کپتان بابر اعظم کو بھارتی بیٹر ویرات کوہلی نے اپنی شرٹس تحفے میں دی ہیں جس کی ویڈیو وائرل ہو گئی ہے۔

بابراعظم کی ویرات کوہلی سے شرٹس لینے کی ویڈیو وائرل ہوتے ہی سوشل میڈیا پر پاکستانی شائقین نے انہیں شدید تنقید کا نشانہ بنایا۔

قومی کرکٹ ٹیم کے کپتان کو ویرات کوہلی کی جانب سے یہ جرسیاں میچ کے بعد تحفے میں دی گئی ہیں۔

قومی کرکٹ ٹیم کے سابق کپتان وسیم اکرم نے بھی بابر اعظم کی جانب سے جرسیاں لینے کو نامناسب عمل قرار دے دیا۔

نجی ٹی وی کے پروگرام میں گفتگو کرتے ہوئے وسیم اکرم نے کہا کہ بابر اعظم کی جانب سے ویرات کوہلی سے جرسیاں لینے کی تصویر دیکھی تو میں افسردہ ہو گیا۔

سوئنگ کے سلطان نے مزید کہا کہ آج یہ دن نہیں تھا کہ آپ مخالف ٹیم کے کھلاڑی سے جرسیاں تحفے میں لیتے۔

انہوں نے مزید کہا کہ اگر چاچے کے پتر نے کوہلی کی ٹی شرٹ لانے کا کہہ ہی دیا ہے تو میچ کے بعد ڈریسنگ روم میں بھی یہ کیا جا سکتا تھا۔

اس کے علاوہ سوشل میڈیا صارفین نے تبصرے کرتے ہوئے بابر اعظم پر غصے کا اظہار کیا ہے۔