پشاور:شمالی وزیرستان کے علاقے میر علی میں دہشت گردوں اورسکیورٹی فورسز کے درمیان فائرنگ کے تبادلے میں پاک فوج کاایک جوان شہید ہوگیا۔
پاک فوج کے شعبہ تعلقات عامہ( آئی ایس پی آر) کے مطابق سیکیورٹی فورسز نے شمالی وزیرستان کے ضلع میر علی میں انٹیلی جنس پر مبنی آپریشن کیا۔
آپریشن کے دوران سکیورٹی اور دہشت گردوں کے درمیان شدید فائرنگ کا تبادلہ ہوا۔ سکیورٹی فورسز نے مؤثر طریقے سے دہشت گردوں کے ٹھکانے کا پتہ لگایا۔
تاہم آپریشن کے دوران سپاہی شکیل شفقت (عمر 21 سال، ساکن ڈسٹرکٹ خانیوال) نے بہادری سے لڑتے ہوئے شہیدہوگئے۔
