پاکستان تحریک انصاف کے سینیئر رہنما اور سابق وفاقی وزیر مملکت علی محمد خان نے صدر مملکت عارف علوی سے اپیل کی ہے کہ وہ سیاسی جماعتوں اور اسٹیبلشمنٹ کے درمیان ڈائیلاگ کرائیں۔

نجی ٹی وی کے پروگرام میں گفتگو کرتے ہوئے انہوں نے کہا کہ نوازشریف کو وطن واپسی پر خوش آمدید کہتے ہیں، اگر وہ آئینی طریقے سے تشریف لاتے تو یہ زیادہ بہتر ہوتا۔

واضح رہے کہ نوازشریف تقریباً 4 سال تک بیرون ملک رہنے کے بعد وطن واپس پہنچ گئے ہیں اور اپنے خطاب میں کہا ہے کہ وہ کسی سے انتقام نہیں لینا چاہتے۔