ایک سعودی شہری کی جانب سے یہ انوکھا دعویٰ سامنے آیا ہے کہ اس نے 42 شادیاں کی ہیں، سوشل میڈیا پر جاری ایک ویڈیو میں سعودی شہری نے اپنی شادیوں سے متعلق بتایا۔

غیر ملکی ذرائع ابلاغ کے مطابق سوشل میڈیا صارفین کی جانب سے اتنی بڑی تعداد میں خواتین سے شادی کرنے کے اس کے دعوے کے بعد سعودی شہری کو تنقید کا نشانہ بنایا جارہا ہے۔

ایک صارف کا تنقید کرتے ہوئے کہنا تھا کہ اسلام میں، جو ایک وقت میں چار بیویاں کرنے کی اجازت ہے، اگر کوئی مرد اپنی تمام بیویوں کے ساتھ انصاف نہیں کر سکتا، تو اسے چاہئے کہ وہ ایک ہی شادی کرے۔

ایک صارف کا سعودی شہری پر تنقید کرتے ہوئے کہنا تھا کہ لوگوں کی بیٹیاں تمہارے لئے کوئی کھیل نہیں ہیں کہ تم روز شادیاں کرو اور طلاق دو۔