شارجہ میں 10 سالہ بچے نے اپنے خاندان کو مہلک آگ سے بچالیا۔
اخبار امارات الیوم کے مطابق دس سالہ احمد ہیثم رات 2 بجے کے قریب بیدار ہوا اور کمرے میں کسی چیز کے جلنے کی بو محسوس ہونے پر والد کو اطلاع کردی۔
اطلاع ملتے ہی بچے کے والد ہیثم فوری طور پر کمرے میں پہنچے تو ائر کنڈیشنگ یونٹ سے آگ پھیل رہی تھی جو احمد کے بستر کے بالکل اوپر تھی۔
ہیثم نے فوری طور پراپنے دیگردو بیٹوں کوتیزی سے باہر نکالا جو اسی کمرے میں سو رہے تھے۔
والد نے بتایا کہ بیٹے کےفوری اقدام نے اپنے بہن بھائیوں اور والدہ کی زندگیوں کو بچانے میں اہم کردار ادا کیا۔